今日奇異媽媽就全家出動黎到九龍灣展貿中心三樓，一連三日，第七屆「運動博覽SportsExpo」，任何人都會好玩得樂而忘返的運動party！過去六屆，「運動博覽SportsExpo」已成為每年盛夏必玩活動，激發大家的運動因子，召集全城貪玩的好動份子來感受運動的魅力！ 較早前已登記網上免費門票，所以直接去登記處換飛便可入場喇! 由於我同老公都係飛鏢狅熱份子!所以今日同大家報導下運動博覽裡面其中一個攤位“飛鏢工房The Darts Factory”有咩玩先! 一入場已見到飛鏢工房體驗班登記處，仲有蛋黃哥地毯呀!正呀! 奇異媽媽之前都有提過未生kiwi仔前係常常同老公去掟飛鏢既，今日當然唔例外，要玩返夠本先!每局為10蚊，分別有三次掟鏢機會! (補返官方獎品圖先) 50分下送starwars飛鏢fight 51-100分上送starwars飛鏢手袖一對 101-150分送starwars運動毛巾一條 151分送starwars tee shirt一件 (如資料有錯請提點，會盡快修正!) 真係人人有份!永不落空架! 我既戰利品!starwars飛鏢手袖同鏢fight! 挑戰完梗係要揸住戰利品影返張相留念先! 場內攤位The Darts Factory設有飛鏢體驗工房及比賽。 工作人員悉心指導kiwi仔正確揸飛鏢既手勢。 我摸過左上角既BB8黑色毛巾不但圖案靚而且質量仲好好!場內仲有starwars tee shirt出售，fans們不妨去睇下有無心頭好! 超多款式任你揀!價錢仲一啲都唔貴，小朋友size都有!買黎親子裝就最好不過! 嘩!仲有蛋黃哥既飛鏢用品添丫!鏢頭，鏢尾乜都有!早知買返個蛋黃哥既鏢袋送比kiwi仔用喇!事關我而家已經教緊佢學下自己組裝一套飛鏢，買定比佢擺套鏢就真係fit晒喇! 感想分享: 今日係第一年黎運動博覽會，好慶幸今年認識到飛鏢工房The Darts Factory既創辦人。之前上網睇過jennifer既創業訪問，沒想到今日會有緣碰面。同佢傾談左一陣，聽到佢創辦飛鏢工房時既辛酸，已經深深感受到佢對飛鏢既理念同一腔熱血。好同意佢對飛鏢既睇法，希望大家唔會剩係標籤左飛鏢呢樣野只會係酒吧出現呢個觀點。佢將飛鏢帶動到老人院供長者娛樂，有益身心既運動，成為左飛鏢界既一個突破!期待你能夠衝破每個關口，推廣不同飛鏢文化!Jennifer!你一定要加油!支持你!
