2018年8月2日 話咁快聽日就係kiwi仔牛一既大日子喇!阿仔話好想要頂生日帽，於是我就係屋企搵左啲不織布，同阿仔量度個頭圍就開工喇! 首先準備好不同顏色既不織布。 量好頭圍之後剪好布就叫kiwi仔試戴下先! 剪左紅色部份(大約佔帽子底部既三分之一)再用黃色不織布剪兩個小楕圓形。 先用釘書機固定好位置。 再剪左兩個耳仔部份， 係帽既兩邊各剪開一條小邊，方便將耳仔部份放入去小邊位置貼好。 之後就可以耳仔部份“攝”入已剪好的邊位，再用保麗膠水貼好。 因為kiwi仔係4歲生日，所以剪左個4字比佢貼係生日帽度。 係4字後面貼上魔術貼，方便轉換其他數字。仲可以貼係帽既唔同位置添! 大公告成!你地睇下kiwi仔幾咁開心滿意!雖則佢之後話仲想要頂唐老鴨帽Y(^_^)Y (記得之前用釘書機定位既位置要再用保麗龍膠痴返好丫!) 由於成頂帽係都奇異媽媽憑空想像，所以任何部份我都係無預先畫出紙樣就直接剪出黎貼好，部份位置會有不完美既地方，希望大家會喜歡我今次既分享^ _ ^
