奇異媽媽同kiwi仔係21號星期六去左綠在觀塘，幫再生玩具店當了兩小時既義工。唔好睇小呢短短兩小時呀!我同kiwi仔都獲益良多架! 如果有玩具要維修可以帶過黎，再生玩具店既朋友(paul哥哥)會為大家免費維修。 場內設有環保攤位，教導大家正確回收的知識。 漂書就聽得多，唔知大家又試過漂玩具未呢!小朋友成日扭買玩具，(kiwi仔係掉返轉扭買書~_~ )但好快就唔玩放在家中一角，倒不如漂出黎，更環保，同時令玩具可以重生。(注意:小玩具限取2件，不可貪心喔!) 大型玩具限取一件。 揀完之後可以到呢度磅下重就可以將心水玩具返屋企! 用紙皮箱造既滑梯，既特別又環保! 呢個就係我地個小檔攤喇!好多謝再生玩具店比左呢次寶貴既經驗我地，讓我地可以介紹各種各樣既環保玩具比每一位小朋友，確實難得!我自己都從中學識自製玩具，又可教育小朋友環保的重要性，懂得玩具不一定要買，其實都可以自己創造，獲益良多!最難得既就係阿仔係炎熱既戶外都肯毫無怨言咁陪我一齊做義工，我真係好開心!希望下次再有同樣機會可以幫下大家手^ _ ^ 大家可以上fb支持下比個like再生玩具店呀!我覺得佢地真係好有heart!愛環保，愛地球，漂玩具，靠大家喇!
