2018年7月19日 是日奇異媽媽同kiwi仔去左灣仔書展。同場仲有運動消閒博得。今年係我地第三年黎書展喇!由於係12點前進場，所以入場卷只售$10一張，可以逗留至當日閉館時間。 由於同阿仔掛住買書，無做太多資料搜集，而家同大家分享下今日既贈品同戰利品先! 中華電力有限公司。攤位:3C-E24 書仔，貼紙都係免費派發。筆同襟章只要排隊玩遊戲便可得到。 幸運地碰到超人中中，即刻拖手仔合照先 ! Kiwi仔等左好耐，終於等到智多多，仲見到麥包做嘉賓。 廉政公署 攤位:3B-C12。 工作人員免費派發，不用like fb同玩遊戲。 小麥文化。 攤位:3B-D07 只要到攤位同職員講一句暗號(小麥包叫我黎既)就送你一把間尺，十分實用。Kiwi仔拎完禮物後仲話職員姐姐送上間尺嗰陣話:係小麥包叫我送比你架!免費入會仲有禮物送(每日唔同) 公民教育委員會。攤位:3B-C36 印有“開餐喇”餐具連盒(只需填簡單問卷就免費送贈) 小泥子刊物，file，貼紙免費派發。 藍色小泥子公仔(玩電子互動遊戲即可獲得) 紅色筆記簿連筆都係玩完電子互動遊戲送。仲有小朋友版齊齊認識《基本法》都免費派架! 中英對照，仲有pop up，設計適合小朋友。 Dr-Max Education Limited。攤位:3D-B22。 職員會叫小朋友玩一個簡單既彈波遊戲，之後會問小朋友兩三個水果既英名。就免費送上車王file同disney紀念畫册一本。 夢想創意有限公司。攤位:3B-D06 左上角小王子明信片(有一大叠) 只要like fb即送。 右下角係可以比小朋友先填色後吹氣變成氣玩($50-兩件)買時送了右上角的小王子填色簿。 左下角Ironman畫作係出自職員親手描繪畫製免費贈送!真係好靚丫! 三本$50-(但已經唔記得左係邊個攤位買!) 24色連噴槍筆+補充墨水$90-(又係唔記得邊個攤位買!) 香港家庭計劃指導會。攤位:1C-D35 買二送一。三樣夾埋$140- 小朋友可以試下同家家接生bb!仲係龍鳳胎黎架，要幫手剪臍帶! AML(又係失憶地區)不過該攤位掛滿AML的橫額唔難搵! 一套五件只售$59-。有索繩背包，貼紙簿，填色簿，英文故事書，仲有小海盜頭巾同金幣，貼紙。 我今年買書既數量比上年小，下星期二會趁最後一日再去睇睇掃貨!如何大家有戰利品，贈品想同我分享都可以留個言呢!
