2018年7月16日 趁今日有個靚靚既太陽梗係要同kiwi仔出動去玩下喇!今日出發去迪士尼!呢個充滿魔法既地方原來除左有得玩有巡遊睇，仲有小小任務比各位小朋友幫手完成! 新成員cookie好可愛丫♡^_^♡ 自kiwi仔兩歲起，奇異媽媽每月都會同佢入黎迪士尼玩，但從未發現有呢個小任務!而家即刻為大家介紹下先!衆所周之，迪士尼係有卡通貼紙可以免費送比入場人仕(當然要有禮貌詢問職員喔*^_^* ) 當kiwi仔詢問其中一位職員有無貼紙可以送贈既時候，職員哥哥好爽快話:梗係有喇小朋友!你可以幫我做一個小任務嘛?阿仔當然好爽快地答話:無問題!原來任務詳情就係職員先向kiwi仔派發指定既貼紙數量，再由kiwi仔代為派發比其他既小朋友!(阿仔貼紙就拎得多，要派比其他小朋友真係第一次!)當完成任務既時候，職員更會上小禮物獎勵!從簡單既任務過可以將歡樂帶動比其他小朋友，十分有意義! 職員送上窩心小禮物，答謝小朋友完成任務。好奇既kiwi仔即刻睇係裡面有啲咩先^^ 裡面有一張迪士尼證書，記錄發出日期，小朋友姓名，發出證書的迪士尼部門名稱。仲會送上限量版貼紙!大家不妨碰碰運氣!可能下一個迪士尼任務小幫手可能就係你呢! 超能先生一家人已經係迪士尼有得賣喇!記得買飛入場支持下佢地套新戲《超人特攻隊2》 同行友人既女兒因為當時身穿公主服飾，所以獲職員邀請到專為公主王子留位區就坐。職員話男仔著王子服飾都可以享有同樣待遇。(職員會預先派發一個證件比你到留位區。)可以坐定定近距離欣賞迪士尼花車巡遊，更可與演藝人員互動起舞!
