2018年7月14日 奇異媽媽今次為大家介紹一下小老鼠MAISY系列既童書，(英國童書出版社Walker)。相信大家對呢隻老鼠仔Maisy 一啲都唔會陌生架喇! MAISY小老鼠係源自英國創作者 Lucy Cousins既手筆。從 1990 年出版至今，已經熱銷超過三千萬本喇！每一本書都係色彩奪目，包含maisy同佢一班動物好朋友既日常生活小故事。唔但止小孩喜歡，身為家長既我都同樣愛不釋手! Kiwi仔既maisy圖書。仲有兩套書收埋左係櫃裡面*^_^* 圖書內有不少機關，非常吸引小朋友! 呢本Maisy “s traffic jam好特別架，每頁都會有lift the flap，而且一拉開會變身成為一本好長既圖書└(^o^)┘ Maisy“s funfair係一本講述maisy和一班好友去funfair遊玩既故事，每頁都有小機關，kiwi仔百玩不厭，係最後一頁更有轉轉機關! Maisy” pirate ship。唔好以為只係一本平平無奇既圖書丫，一打開就會搖身一變成為一架立體既海盜船，隨書更附送卡通紙板公仔!小朋友快啲一齊與maisy一衆好友出海去探險吧! Maisy”s house and garden。最後一本為大家介紹既就係maisy的家喇!亦都係kiwi仔最鍾意最好玩既童書之一。打開便可成為maisy屋企同花園!廚房客廳洗手間卧室花園通通齊全，小朋友從中可以辨認到日常物件，學習生活應用知識。均附上卡通紙板人物及用具供小朋友玩樂(不過已經比阿仔玩到遺失左一部份^_^; ) 由於紙板人仔較易玩爛，所以奇異媽媽特別用不織布整左故事裡面既主要人物比kiwi仔玩，小朋友聽故事時都顯得特別投入!有機會再同大家分享製造過程，希望大家會喜歡我今日既童書分享!趁住一年一度既書展，各位不妨入場搜羅下平靚正既圖書呀!
