2018年7月8日 我諗好多媽咪都會同我一樣試過為黏土泥膠而煩惱!既擔心會有一陣濃烈氣味，又怕痴住小朋友既指甲，仲搞到週圍都係碎，(簡直係惡夢TT__TT更要用無毒材料去製造才放心比小朋友玩樂，所以話呢，要搵一隻好既黏土泥膠真係分分鐘難過中頭獎丫! 市面上既大部份牌子，例如:培樂多，think，amos等等既牌子我都有買過。不過最稱心滿意就係以下落黎所介紹既呢隻日本牌子:銀鳥無毒純米黏土 而我買既就係呢盒整壽司黏土，裡面有四種顏色黏土(但其實質感就好似泥膠一樣),三個壽司模具，一隻長方型壽司碟，一個豉油碟仔同一對筷子仔，確實好精緻呢! 我同大家推介銀鳥無毒黏土既原因係因為黏土本身係完全無味道，又不會痴住指甲，玩完又容易清潔，唔怕有一粒粒，週地都係黏土碎有排清潔。而且附有模具，手殘既我都可以陪小朋友整出似模似樣既壽司\^o^/ 只要將黏土放係壽司模具裡面，再合埋模具，一粒美味壽司就製作完成架喇! 好啦，而家就同大家分享一下我地既製成品先!獻醜獻醜!我我同kiwi仔都非常喜歡做手工勞作，因為一家人搓下黏土泥膠既可訓練小朋友既小肌肉，又可促進親子感情，享受家庭快樂時光♡^_^♡ 再介紹一下，大家可作參考。 銀鳥無毒純米黏土已通過 日本ST玩具協會檢驗合格。 安心素材黏土的成分只有[小麥or米黏土]+[鹽]+[水]，不需擔心孩童會誘發過敏，素材是天然安心成分，品質相當有保障。※如本身已對米or小麥有過敏的孩童請先諮詢醫生後再使用黏土特點色彩漂亮–黏土顏色飽和，可混和創造無限多色彩。質地柔軟–質感非常柔軟，質地相當細膩。不易乾燥–可較長時間揉玩黏土，不易在短時間乾燥。※注意：1.小麥黏土的主要成分為小麥粉，純米黏土的主要成分為小米粉，如有過敏症狀的孩童請先與醫生諮詢使用。2.手上如有傷口，請勿使用。3.請家長陪同下使用製作。 我買既時候仲見到有其他款式，有興趣既朋友可以係“美×文具“同“x趣天地”睇下。我係呢兩個地方都見到有得買。(因為不是賣廣告，真心分享比大家，所以不便標明店舖名稱，請見諒!)
