化妝同護膚程序當中, 卸妝呢個Step, KiWee覺得係十分重要喔, 因為妝卸得唔乾淨既話, 就會影響之後護膚產品既吸收能力. 所以平時揀卸妝都會選擇一d朋友推介, 或者有口碑既牌子. 相信好多朋友都會因為品牌既知名度, 廣告宣傳或者代言人形象而選擇專櫃品牌產品. 但其實好多時, 開架品牌既功效都可以媲美專櫃品牌既產品喔.....今次就搵黎Neutrogena全新深層淨化保濕卸妝油同另一隻專櫃品牌既卸妝油做個測試~睇下邊隻 勁d啦~~~Let's Start~!! A, B兩隻產品中, 當中一隻係Neutrogena全新深層淨化保濕卸妝油, 而另一隻就係專櫃品牌卸妝油~ 卸 妝產品當然要求要卸得快同卸得夠乾淨啦...平時KiWee都係超懶, 好多時都會成臉一齊卸, 務求一次過將所以臉上既彩妝產品卸曬...所以我會先係手背上邊, 搽上平時用開既防曬隔離霜, 遮暇膏, 超防水眼線液, 防溶眼影膏, 唇膏同埋眼影 (由左至右), 再蓋上A油等15秒, 睇下A油既介卸妝力~ 點擊圖片放大 輕輕擦幾下, 除左防水眼線液仲留係手背上之外, 其他彩妝產品都通通卸曬....卸妝力不錯喔~~ 再係手背上搽上防曬隔離霜, 遮暇膏, 超防水眼線液, 防溶眼影膏, 唇膏同埋眼影 (由右至左), test一下B油.. 點擊圖片放大 同樣除左防水眼線液仲有少少留係手背上, 其他彩妝產品都通通卸曬...卸妝力方面, A油同B油都十分顯著....很不錯喔~ 之後再係手背上搽上眉粉, 再分別搽上A油, B油, 直接打圈Test一下易推度~~我係手背上搽左兩條眉粉, 用黎比較一下卸前卸後既效果~ 點擊圖片放大 +2 test完之後, 感覺覺得A油比較杰身, 要打圈推幾下先卸曬D眉粉....而B油比較稀身, 打左兩個圈, 眉粉已經卸曬....感覺覺得B油比較易推同卸得快~ 卸妝產品如果殘留係臉上, 就會好容易出粒粒, 所以要揀乳化能力強既卸妝油. 乳化能力強既卸妝產品可以令卸妝油充分乳化, 唔會有多餘既卸妝油留係臉上~ 減少出油脂粒粒既機會... 點擊圖片放大 +4 將A油同B油分別倒入水中, 睇到水面上出現左奶白色, 再用棒棒搞幾下, A油同B油都好快變左奶白色...大家既乳化能力都相當唔錯喔!~ 而質地方面, 上圖係A油倒係手心既情況, 而下圖係B油, 大家既質地都屬於輕盈, 唔會令皮膚做成大既負擔, 但推上手感覺B油 質地比較薄身, 所以伸延度比A油好, 用量都可以比A油少....相對起黎, A油就雖然用多少少分量啦!~ 有時卸完妝之後, 臉部皮膚都會比較乾涸, 所以今次都會test埋卸妝產品既保濕程度... 上圖係用完A油之後影既, 下圖係用完B油後影既, 同樣用完兩隻產品之後, 手背皮膚都唔會有乾緊既感 從 卸妝力, 乳化能力同埋保濕力可以睇到, A油同B油都非常不錯, 至於易推度, 個人覺得B油比較薄身, 較為易推, 而且用量可以用少一D, B油較為優勝~..氣味方面, 因為係個人喜好, 好難去講邊隻比較好, 但KiWee一向喜愛有香味的東西, 所以比較喜歡B油的清新氣味....當然, 價錢都係考慮因素, 如果A油同B油價錢相若, KiWee會比較喜歡B油喔~~ 好啦...係時候要開估....究竟邊隻產品係Neutrogena全新深層淨化保濕卸妝油呢....登登....答案就係B油啦~~ Neutrogena 深層淨化保濕卸妝油係Neutrogena全新推出既卸妝產品, 其實之前係台灣已經有做過類似既blind test, 大多數使用者都覺得深層淨化保濕卸妝油質地溫和, 不刺激眼睛及皮膚, 可以有效卸除彩妝產品及化妝品殘留污垢..經過以上test後, 連難卸既眼妝產品都可以卸光光....而且卸妝之後, 手背感覺爽滑, 沒有乾澀感, 真係可以媲美專櫃的卸妝油喔~~~ Neutrogena 深層淨化保濕卸妝油以like desolve like "以油溶油"既原理溶解妝物, 當中既深層淨化配方可以細緻分解難搞既眼妝產品, 好似防溶眼影膏同眼影都可以分解到, 而且乳化力與專櫃牌子有得揮, 遇水即時變為奶白色, 咁就唔會有多餘殘留物係臉上, 減少出粒粒既機會喔~而且佢有青瓜保濕精華, 卸妝同時照顧到皮膚水油平均, 而且有淡淡青瓜香味, 放工返屋企卸妝同時refresh...感覺很不錯~~加上價錢大眾化, 性價比十分高喔.....以開架牌子的價錢買到專櫃牌子的效果, 下次選擇卸妝產品時又多一個選擇喔~~ 希望大家喜歡我今次既分享喔~ *以上產品由該品牌提供* 想睇下其實朋友仔既Blind test, 可以click入以下網址喔!~ http://www.facebook.com/neutrogenahk/app_224682264383713?ref=page_internal ~* 歡迎留言或Email比KiWee *~ 歡迎邀約產品試用及出席活動 Email: kiweel22@yahoo.com.hk Facebook: https://www.facebook.com/kiweel22 Instagram: Kiweellen YouTube Channel: Kiwee l ELLE Ubeauty theZtyle
