我知我知...依家先出謝師宴妝物推介係有D遲.....但遲到好過無遲...對不對~ .. 其實今日推介既妝物, 都唔一定只係謝師宴用, 見工, 或者平時去街返工都用得著, 係KiWee平時最常用既妝物之一....而且價錢ok, 最貴個樣都係百零蚊有交易, CP值超高的喔!~OK, 事不宜遲, Let's Start~ KiWee 平時化妝, 會習慣先洗一洗臉, 再搽上爽膚水同保濕gel先, 因為我係混合性偏油皮膚, 加上夏天既關係, 所以我都盡量唔搽咁多野上臉, 而且謝師宴場地, 無論係酒樓酒店都會有好多射燈照住, 所以更容易會出油, 所以底妝我會揀控油既base同foundation~ 呢 枝係Sofina既Long Keep Base, 係屋企人去台灣既時候買既, 只係80幾蚊~控油力不錯, 岩曬易出油既朋友仔~每次我只會用1毫子咁大既分量, 搽係鼻翼, 臉珠同額頭呢D易出油既地方~如果大家無用呢隻控油base, 都唔怕, 可以直接上控油既Foundation就可以了~ Kate呢隻foundation, 我之前已經推介過, 呢枝已經第2枝啦~價錢$128~如果撞岩Watsons, 萬寧做promote, 會有set裝, 一盒set裝有一枝foundation加一枝細bb gel都係$128...超抵用~ .. 搽上臉之後, 15秒就會變做粉狀~如果乾性皮膚既朋友仔, 可以鏗番唔洗上碎粉添~...無論係謝師宴定見工, 都唔想油光示人吧~加上謝師宴通常閒閒地都幾個鍾, 避免影相既時候油光滿臉, 可以輕輕掃少少碎粉定一定妝~ 碎 粉我揀左3CE既Loose Powder, 係莎莎買, 價錢$98有交易~而且好大盒, 有排用~少化妝既朋友仔可以同朋友share一盒~其實碎粉唔洗掃太多, 以上既分量可以掃曬成塊臉喔~~掃我用開Etude House既碎粉掃, 通常除左上碎粉之外, 我仲會用佢黎上胭脂添...一枝掃搞掂, 價錢無記錯$108左右~買左好耐lu~ ~ 上碎粉, 我習慣會係易出油既地方掃一掃, 之後剩番既粉就全臉輕輕掃一掃, 上完碎粉摸一摸, 塊臉無笠癡癡就叫做夠gala~唔好上太多, 如果唔係就會變左粉人喔~~特別係見工, 太厚妝感會比人太造作既感覺喔, KiWee會係頸掃多一掃, 避免同臉兩折色~ 上完底妝, 就到眼妝部分~呢隻Maybelline既Color Tattoo, 已經用左好耐, 係萬寧, Watsons都有得賣, 平時好似賣$68, 但成日有折, KiWee上次買個時$45咋~~超級抵~~ 謝 師宴同見工, 最怕太誇張既妝容~見工既時候, 對方可能隨時係將來既呀head, 而謝師宴始終都有老師在場, 如果太勁既眼妝會比較老積, 清清地已經好夠~今次揀左啡金色~呢隻color tattoo其實係eyeshadow base, 當打底用, 搽完之後可以再搽眼影, 眼影會更加顯色~但我個人覺得, 搽左佢之後, 基本上已經夠, 唔洗再搽咁重既眼影, 而且佢既鎖色度超強, 乾左之後就唔會溶開啦, 防溶效果十分好, 而且顯色度都相當高, 單用當眼影都已經夠曬~ 大概以上分量, 先搽係近眼睫毛位置~再將剩底既base係眼蓋位置推開~咁就會做到自然既效果喔~! 眼 線方面都係Mabelline既eyeline gel, 都係萬寧, Watsons有~價錢$98~KiWee已經回購再回購了~~~今次揀番啡色, 效果會比較自然, 而且gel狀eyeliner會比較易handle, 太幼既liquid eyeliner會比較難控制, 鉛筆型既eyeliner會比較易化開, 所以KiWee平時都鍾意用gel狀既eyeliner, 感情易畫d, 而且好顯色, 又唔容易化開~初學既朋友仔都會比較易handle~ 我習慣係眼頭近睫毛根位, 用畫虛線既方法去畫, 咁會無咁易畫出界, 一路畫到眼尾近眼角位置輕輕向上畫多少少~就可以畫到一條自然有神既眼線喔!~畫完外眼線之後, 唔好唔記得, 再畫埋眼睫毛根位既空隙位置喔~咁就可以鏗返唔洗畫內眼線啦 下眼尾位置, 可以用眼線筆上邊剩底既眼線gel去畫 ~係下眼尾位置輕輕來回掃幾下, 就可以畫到濃密既下眼睫毛效果~用剩底既分量就已經可以畫到兩邊下眼尾位置, 咁就可以避免太誇張既效果!~ 眼妝搞掂就要畫眉喔~眉筆用Kate既...係Watsons買, 價錢唔係好記得lu~用左好耐, 應該$58-78左右~ 貪 佢有兩邊頭~一邊係擰出黎既眉筆頭, 另一邊係有眉粉既棉頭, 如果平時少化妝既朋友仔, 可以用棉頭, 會比較易handle, 輕輕拖一拖就可以畫到堂好自然既靚眉~~擰出黎既眉筆頭, 對初學者黎講可以會難d控制, 但畫出黎既眉型會sharp d~要記住, 無論用咩眉部妝物都好, 都一定一定要先修眉, 如果唔修下堂眉, 就畫極都唔會畫到一堂理想既眉喔!~ 胭脂方面, 用3CE既Powdery Lip & Cheek~莎莎買既, 價錢好似$98....我真係忘記左 ...但一定唔過$100...佢可以當胭脂用, 又可以搽上咀當唇妝~...胭脂其實無一定分量, 因應個人喜好, 當然唔好搽咁多啦, 如果唔係會變馬騮pat pat, 建議少量多次咁用, 搽到想要既顏色就ok~ 要 搵萍果位置, 我唸大家都知, 笑一笑, 卜起位置就係萍果位喔, 係上邊用點壓方法向髮鬢位推開, 超易用~3CE呢隻好顯色, 上臉後會變做粉狀, 通常我只係攞一次色就夠...而且效果好自然~有D朋友仔會鍾意係搽碎粉之前上, 上完再掃碎粉, 紅潤感似自己既膚色透出黎... 因為佢會變粉狀, 上唇之後, 會容易出唇紋 ~ 所以如果想用佢做唇妝, 就要先搽好潤唇膏喔~搽左潤唇膏再用點壓方法tap上唇, 就可以有淡淡既橙紅色~^^係KiWee最常搽既唇色~當然食野同飲野都會脫色, 謝師宴既時候, 食完野要記住tap返上唇先影相喔~ ~如果唔係就會好似我咁~~咀唇白白...(因為我未搽咀就影左相了~ ) 今次妝容都係以自然為主, 因為去見工, 要慎防誇張妝容, 而去得謝師宴既朋友仔, 都係青春有活力既, 太重妝感會顯老, 清清地就夠喔~希望可以幫到將要去謝師宴或者初踏職場既朋友仔啦~ ~* 歡迎留言或Email比KiWee *~ 歡迎邀約產品試用及出席活動 Email: kiweel22@yahoo.com.hk
