房間對我來說 是郵輪最重要的地方 因為是你的私人空間 是你在郵輪上逗留最久的地方 上郵輪第一件事 就係認識Cruise Card 佢基本上係你的郵輪ID Card 每人有一張 佢係房間開門的咭 每天落船上船都會必一必咭 知道你有冇在船上 佢亦係你的credit card 船上所有消費都係碌呢張咭 所有費用直接會旅程後一次過在你的信用卡扣錢 有咩事發生要逃生 郵輪建議你唯一要帶的就係呢張Cruise Card 咭上面有不同的資料 有不同顏色 Princess的不同顏色係代表你係Princess的咩級別會員 based on你搭過幾多次佢公司的郵輪 仲有你的Dining Option 詳見飲食篇 每個人上船Check in的時候都會被影一張相 所以每次你碌咭 職員會見到你個樣 所以被盜用的機會都唔高gei 房內設施 雖然每架郵輪房間的級別都有不同 不過大致都係分幾類 以下a-d由最平排到最貴 a. Inside - 冇窗房 b. Outside - 有窗房 不過唔開得 只可以看到外面是白天定黑夜 c. balcony - 有露台 可以行出露台 有露台椅 d. junior suite/ suite - 有房有廳 有超大露台 我住過兩種- Inside和balcony 首先是Ruby Princess的Inside 我印象中的麗星郵輪係訓雙層床 同埋係灰色 好基本的設施 所以我入到呢個房間好有驚喜 一般的酒店房間設施都有 一大張雙人床(也有兩張單人床房間選擇) 有一個很大的衣帽間 廁所不大 企缸沖涼 洗頭水沖涼液和Cream都有齊 有一張化妝枱 枱上有電話 有塊大鏡 仲有全身鏡 之後係Legend of the Seas的balcony房 個人覺得房間冇Ruby Princess的咁豪華 這次我們因為是三人 所以有張沙發床 沙發床可以是單人可以是雙人 這間房最多住四人 廁所與Ruby Princess差不多 沒有衣帽間 只有衣櫃 有一張化妝枱 枱上有電話 有塊大鏡 仲有全身鏡 最重要係有個好正的露台 可以行出去吹下海風 睇下海 點擊圖片放大 當你在seascanner訂的時候 大致可以看到你在Deck幾多 即係幾多樓 個人認為住得高好D 冇咁接近船倉嘛 inside房每層都會有 你對面的就係別人有窗房或露台房 貧富就一走廊之隔 有窗房通常都會比較低層 因為低層都不能開窗 所以如果inside房係高層數過outside房 我會搞inside 插頭 大部份的郵輪公司都係美國公司 所以郵輪的插頭係美國插頭 兩腳扁直腳 大家要留意啦如果你在歐洲上船可能你只帶了歐洲兩腳圓腳的插頭 咁就唔O岩用啦! 每間房只有一至兩個插頭 如果要多D插頭要自己帶分插器啦! 電視 有不同台 有電影睇 有綜藝節目 當然係西方的節目啦 最重要係有個台有好多郵輪資訊 另一個台有每日的到達地點資訊 Room Services 唔講你唔知 郵輪Room Service超好! 每間房都有一個指定的執房員 佢亦係你的管家 房間需要咩你都可以搵佢 房間電話上有他的直線電話 他每天執房兩至三次 朝早一次 黃昏一次 基本上每天都會見到他 佢地都勁有禮貌 執房最基本就係舖好床 所有野整齊番 換晒廁所入面的洗頭水沖涼液和Cream和毛巾 咁點解黃昏要執呢 因為日期佢會放左兩個cushion在床 俾你白天可以挨下 晚上會舖番訓覺的枕頭 好貼心呀 梳化床就早上佢會舖番梳化 等大家可以坐 黃昏佢會幫我舖番床 預備俾我訓覺 Legend of the Seas的執房員仲好搞笑 每天會摺唔同毛巾公仔 仲會用我的物品一齊整 點擊圖片放大 +3 資料 每天黃昏 都會有派兩張資料 一張係第二日的船上節目 有齊所有設施開放時間 每天特別的節目 和地點 第二張係第二日會落船的目的地資料 有地圖 景點資料 和船離開碼頭的時間 食物 每天有一張生果List放在房內 早上可以order 玩完一日就會有幾個生果在房間 如果想在房間用餐 有部分要俾送餐費的 有部份不用 大家要睇清楚 洗衣服務 我坐的兩次郵輪在洗衣方面有分別 Ruby Princess有洗衣房 US$2洗一機 洗衣粉US$1 洗衣房內有換零錢機 不過大前題係入美金入去換 有酒店式Laundary Service US$7-8洗熨一件衫/褲 不同類形的衣服不同價錢 Legend of the Seas 沒有洗衣房 只有酒店式Laundary Service 價錢同Ruby Princess差不多 Wifi 船上是有Wifi的 不過要收費 而且費用很貴 大約$1美金1分鐘 聽說仲係好慢架添 所以我冇用過 在大海中央 很多時連漫遊的電話訊息都收不到 這樣才是真正的旅行 沒有外界的騷擾 真真正正的享受這一趟旅行 其他郵輪系列文章 如何訂平價郵輪 郵輪的行程計劃分享 郵輪解構-房間篇 郵輪解構-船隻選擇 郵輪解構-飲食篇 郵輪解構-節目篇 ----------------------------------------------------------------------------------------------Facebook: https://www.facebook.com/kittylovetravel
