今日剛巧有朋友問到倫敦的住宿邊度較方便 其實邊度方便 最緊要睇Tube map (Tube是地下鐵) 不是近任何一個Tube站就方便的 重點係個站有幾多條線 下圖紅色箭咀係我推介的住宿地點最佳Tube站 分別係Paddington, King Cross, Liverpool Street, Hammersmith, Earl's Cort 我選擇以上5個站係base on以下四大原則: 1. Zone 首先係以上全部站都在Zone 1 or Zone 2 Tube用Zone來計算車費 Zone1最市中心 Zone6最遠 景點全部集中於Zone1 而Zone1及Zone2的價錢係一樣的 即係話Zone1→Zone1 = Zone1→Zone2 所以住Zone 1或Zone 2都沒有車費的考慮 2. 到達倫敦的途徑 一般外地遊客到達倫敦 有兩個方法 一係機場 二係從巴黎坐Euro Star 機場有三個 Heathrow, Gatwick, Luton 坐鐵路的話 Heathrow係Tube Gatwick同Luton都係火車 (Rail) 三個機場都有巴士來回倫敦市區 不過我講緊Tube 所以就只說有Tube站的Heathrow Heathrow站在Tube Map的左下 屬於深藍色線 (Hammersmith, Earl's Court, King Cross站都Good!) 坐Euro Star的話就會到達St. Pancras亦即係King Cross 有6隻色的線 以上我推介的五個站都能一程過就到 如果你不是背包客 我都會建議你住不要轉線的地點 因為Tube要轉線係行好遠+有又長又細級的樓梯 如果拎住大大件行李都幾辛苦 3. 傷殘人士Logo 不要以為傷殘人士Logo淨係俾傷殘人士人睇 如果你係拎住大大件行李的人必要看傷殘人士Logo 因為Tube已有百幾年歷史 大部份的站都係冇Lift/自動電梯能夠上到地面的 但如果個站有傷殘人士Logo 就即係一定有Lift去到地面 咁拎行李的人 或者今日行到腳仔軟想快D番酒店的人來說 有Lift很重要 4. 景點位置 倫敦大部份熱門景點集中在深藍色線和綠色線 紅色線係行街的Oxford Street 上面提過 Tube要轉線係行好遠+有又長又細級的樓梯 我超recommand最好連去景點都唔駛點轉線 最後 我個人最Recommand的係Earl's Court和Hammersmith 因為呢兩個站在Zone1邊or Zone 2 住宿相對較平 冇咁市區就會有大型超市 去旅行我最鐘意行超市 而且藍綠線都有 去景點真係超方便 放大版Tube Map下載 ----------------------------------------------------------------------------------------------Facebook: https://www.facebook.com/kittylovetravel