好多時飲紅、白酒都係配食西餐… 有無諗過食日本菜都可以用紅、白酒襯嗎??? 上星期參加左 [U BEAUTY閨蜜呈獻:HELLO KITTY WINE TASTING].. 一試法國美酒商LE VIN MIGNON 同尚鮮日式燒肉漁市場聯手打造既 [HELLO KITTY波爾多紅酒X尚鮮海陸空精選2人晚餐] 尚鮮日式燒肉漁市場位於銅鑼灣謝斐道金利文廣場3樓(小巴站、總統戲院附近)~~~ 尚鮮係一間放題店..除左有壽司之外..主打就係任燒海鮮同肉類… 就住有燒肉依部分.. 尚鮮O係每一個爐上面都有一部抽油煙機..所以環境都無瀰漫住難聞既燒烤味 (Y) 而平時就可以用TABLET 揀選想食既食物~~ 大會想我地專心品酒同食美食..所以好貼心地由大廚幫我地燒..O個日就無開爐燒 一開始分別有尚鮮既代表、LE VIN MIGNON既代表同我地講解兩間公司合作既因由.. 而LE VIN MIGNON仲同SANRIO合作..酒瓶上印有SANRIO 三大角色 - HELLO KITTY、MY MELODY、LITTLE TWIN STARS 另外酒瓶包裝都備有Hello Kitty蝴蝶結髮飾或者My Melody手鏈選擇.. 相信係佢地既粉絲絕對想擁有佢!!! 介紹完就開始海陸空晚餐了!!!! 首先有刺身沙律同三式刺身 (三文魚、帶子、甜蝦) 好鐘意個刺身沙律..因為入面有意大利黑醋..食落好夠酸!!非常醒胃.. 而三式刺身肉質都好鮮甜!! 而配襯前菜既就係 Bordeaux de Crémant Rosé Demi-Sec半乾型玫瑰紅波爾多氣泡酒 呈粉紅色既Rosé都係用香檳手法所釀製..有豐富而幼細既氣泡..帶有清新既鮮果芳香... 最適合配襯煙燻海鮮、芝士、家禽類、甜品 之後就上海鮮拼盤 (清酒帝王蝦、芝士蒜茸燒蠔、珍寶帆立貝) 清酒帝王蝦真係幾大隻..不過可能因為大廚趕住上菜俾大家食.. 隻蝦有O的唔熟/_\ 不過燒蠔同帆立貝就非常出色!!! 蠔肉質肥美..燒完出泥仲係好JUICY!!!而且有洋蔥碎、蒜茸、芝士做TOPPING..非常惹味]]] 而帆立貝係珍寶SIZE…真係啖啖肉!!! 配襯海鮮就飲左另一枝氣酒 - Bordeaux de Crémant Demi-Sec 半乾型波爾多氣泡酒 呈淡黃色…不過都係用香檳手法所釀製.. 帶有淡淡杏仁和花卉的清香”” 最適合配襯煙燻海鮮、芝士、家禽類、甜品 跟住就到重頭戲 - 燒肉拼盤 (安格斯牛肩胛肉、伊比利亞豬肋肉、醬油雞腿肉、一口和牛) 當中一口和牛同伊比利亞豬肋肉最得我歡心!!! 一口和牛好JUICY!! 而伊比利亞豬肋肉啖落好彈牙..好有咬口…而且好夠油香味..一O的都唔膩!! 配襯紅肉既就飲左枝紅酒 - Bordeaux Tradition Rouge 2010 波爾多傳統紅酒 呈淡黃深紅色…帶有濃濃既果味~~而且好容易入口..無刺喉既感覺/// 最適合配襯紅肉、炖肉 友人好鐘意依一枝紅酒!! 食完依一ROUND.. 個肚都8成飽.. 等左陣就上埋燒物拼盤~~~ 我同友人一見到嚇親..好多丸啊!!! 當中有4款丸類 - 芝士魚蛋、芝士球、沙拉丸、咖哩燒 O係出面都未食過依幾款..都幾好味!! 之後就上埋其他燒物 - 冬菇、日本腿菇、翠肉瓜、燒菠蘿”” 嗯..不過如果可以燒得耐O的會香口好多~~ 最後當然有甜品 - 黑白朱古力慕絲杯、Tiramisu糯米糍、Mövenpick雪糕 真係唔多餐廳會入Mövenpick!! 而且有3款味道揀 [雲呢拿、朱古力、士多啤梨] 我就揀左有果肉既士多啤梨雪糕 =W= 而配襯甜品就飲左半甜既 Bordeaux Supérieur Blanc 2011, Moëlleux 優級波爾多白酒~~ 呈淡黃色…帶有柑檸類果實既清香”” 最適合配襯海鮮、魚類、白肉、芝士、果類甜品 依一枝酒都可以當作餐前酒享用””” 食完野大會都安排左抽獎既環節… 分別有香檳杯、茶具套裝、儲物箱 而同枱既情侶好好運..中左兩份””” 我同友人都抽唔中=3= 友人不斷碎碎念.. O個對情侶好好人..送左份香檳杯俾友人””哈哈… 又食又拎~~開心到佢呢 =P 尚鮮日式燒肉漁市場 地址: 銅鑼灣謝斐道496號金利文廣場3樓 電話: 2117 4267 / 2117 4268 放題價錢: 星期一至四 HKD $268 , 星期五、六、日 HKD $298 Hello Kitty波爾多紅酒x尚鮮海陸空精選2人晚餐價錢: HKD $888 / 兩位用 (套餐供應期:2016年7月11日直至另行通知) *二人晚市套餐需提前預約,並於訂座時說明將點選「Hello Kitty波爾多紅酒x尚鮮海陸空精選2人晚餐」 我的EMAIL: kittycat41204@hotmail.com