我年年都會番廣州同外婆過新年! 今年都唔例外!今年新年初一, 二係外婆屋企過, 初三, 四決定留係廣州玩番2日! 同大家分享一下個行程 !! <<我未去個Trip, 所以上網揾左d 相, 大家睇住先>> 住我會住係<勝利賓館>, 果度係沙面上, 古色古香, 最重要係佢平, 400 蚊1晚, (我知400 蚊係大陸酒店已經唔平, 但沙面之上佢叫好好住, 加上同樣係沙面架白天鵝重裝修緊 ) ! <第一日> 先去勝利賓館放低行李 > 一開始又未食野, 當然去上下九行下啦, 勝利賓館好近上下九, 太約行15分鐘就得, 到左之後其實好多野食, 如果好想飲茶, 可以去陶陶居或者蓮香樓, 不過如果唔係十分想去呢2間老字號, 我會建議去食小食!~ > 南信牛奶甜品專家 & 陳添記魚皮 (上下九食野, 就一定要食南信雙皮奶和牛雜, 陳添記三寶, 魚皮, 腸粉同艇仔粥都係正野! > 食飽之後就去陳家祠行下, 陳家祠算係廣州保全得最好架嶺南建築, 值得一睇! > 夜晚之後去夜遊廣州塔, 不過記得係珠江新城地鐵站落, 唔好係赤崗塔落, 因為果度先係最好睇廣州塔架地方! > 如果到左廣州塔, 可以去廣州歌劇院行下, 因為係旁邊廣州塔, btw, 依家 Cat 中文版好似係廣州做緊, 希望到時重係廣州! 廣州塔同勝利賓館好遠路, 都係坐的士番去, 大約50蚊人民幣, 不過係廣州塔係好難揾的士, 建議去君悅酒店打的! <第二日> 早一日無飲茶的話就可以去泮溪酒家飲茶 (講真, 論食物同環境, 泮溪酒家比百年老店陶陶居或者蓮香樓重要好!) > 食完之後去旁邊荔灣涌行下, 唔飽的話記得食街邊檔粉仔, 非常好食! > 琴日睇完嶺南建築, 今日就睇下西式建築啦, 去石室聖心大教堂, 呢個教堂可以話係東方巴黎聖母院, 好靚, 大家可以睇下教堂四邊架聖獸,有d中國Style! > 去完之後有時間可以去北京路買下野, 果度係明朝開始就好似係廣州有名架商業街, 依家都重有一段古道係明朝保存落黎! (不過依家太香港Feel, 去食下野都重OK, 記得食銀記腸粉)> 如果唔行北京路, 留番係石室大教堂架一德路,呢度主要做精品批發, 不過都做零售, 係香港格仔鋪見到大部份野,都可以係呢度買到! 玩兩日, 係時候番香港, 因為初五番工 !