由旅程前話寫blog，到返左黎香港2個月啦，終於有心去寫。（雪，唔好再話我唔寫啦！） 但寫黎仲乜呢？ 因為好想記低依17日發生過咩事，同埋plan依個trip時，都參考左好多blog、forum及網友的意見，先至令依個旅程順利完成。咁我地玩完返黎，都要略盡綿力用依個blog記低d實用資料，咁有興趣去越南、柬埔寨、老撾同埋泰國的朋友search到我地個blog都可以參考下嘛！ ------------------------------------------------------------------- 講返我地點解會去依4個地方，原因好簡單，因為我地無乜錢，哈哈。當我地2、3年前知道會一齊畢業，就決定要一齊去畢業旅行，仲話要去歐洲添．．．．但後來發現資金有限，惟有轉移目標，而朋友威公講返佢去越南、柬埔寨、泰國既經歷時，講到眉飛色舞，不停重覆「真係好正呀！」（我地去完之後，都係咁成日講：個17日真係好正呀! 哈哈）咁我地就鎖定去依4個國家，至於點解去老撾，就因為詩好想去。 不過去之前，我地４個都不停，係不停俾屋企人話：４個女仔，去埋d咁危險既地方，有咩事咁點算呀．．．．．．．講到我地都有d 動搖! 不過，最後我地有驚無險，開開心心，用左9千幾蚊玩左17日，賺到一個好難忘的回憶。yeah!!! 當Suki send依張flow俾我睇時，真係覺得好開心，原來我地真係去到。
