戲肉係咩呢??? 登 登 登 登．．． 就係坐船仔遊河道。 我地覺得坐船仔係成個Tour最正既活動，有幾好玩？有幾正呢？ 1) 可以問船主借越南帽帶，過下癮。其實我地都好想買越南帽做個紀念，但之後仲有幾個國家要去，拎住佢周圍走實在太唔方便，此外，拎佢返香港都唔會再帶，最多只能夠做果盆。 2) 條河道都幾窄，只能容納1至2艘船，旁邊就係一d生得好高既草，好似去左熱帶雨林咁，環境好寧靜，只係聽到一下一下的划船聲，好舒服，真係能忘記煩憂！ 其中一個船家，真係辛苦曬佢。 我地原本唔係最後出發既船，但唔知點解不停俾其他船超前，最後變成最尾個隻。導遊偶像艘船經過時話：你地太重啦！！ 不過慢有慢好，可以好好享受這個寧靜時刻。 做越南人真係好，可以經常親親大自然。他們應該過著日出而作，日入而息的生活，令人嚮往。 遊完船仔之後，我地去左一個島睇椰子糖製作過程。 旅程亦都到此結束，真係玩得好開心！！ 返到Guesthouse梳洗一下，又走出露台繼續發呆，望天望地，望下人地既ＧＨ，越南建築物好Colourful，夾埋一齊好靚。 又望下ＧＨ主人，日日坐在地下傾下計又一日，這些生活，在香港真係難以擁有。 入夜係時候開餐，我地去左一條類似廟街既地方食飯，都好多本地人同遊客黎食。 春卷呀！越南春卷真係好好味，間間都好食！！個種味道在香港食唔到。我另一個至愛係芽菜，越南芽菜好短身但脹卜卜，又爽又甜，食唔停。 依張米紙除左可以食之外，我地仲發現佢有另一個用途．．．．． 打格仔，譁，靚曬！ 食完頭先個間，行多2步又食另一間，我地今次食燒海鮮，但budget有限，都係淺嚐。哈哈，唔記得影相。我又order左個蛋夾芽菜，好味好味。 晚飯後，行下夜市，買左ｄ生果，就返去sinh cafe book另一個half day tour，明天去古芝地道。ｇｏｇｏｇｏ！ sinh cafe網站：http://www.sinhcafetravel.com.vn/
