在越南的第３天，我地今日又７點幾起身，因為join左half day tour去古芝地道（Cu Chi Tunnel），費用約USD6/人(不包括古芝地道入場費)。 其實依幾晚都訓得唔好，因為晚晚都鼻敏感發作，越南市區既空氣比香港還差，可能太多電單車啦。 今日我地挑戰自己既腸胃，食街邊法包，黎到越南點可以唔食法包呢，正如去香港要食蛋撻/菠蘿油一樣。 老闆娘好有心機切切切，整左個洋蔥炒蛋，再加Ｄ辣醬，味道好好，只係個法包軟身左少少，但整體都ＧＯＯＤ！人地話越南咖啡好好飲，我都叫左一杯試下，但因為要拎上車飲，我要問佢拎個蓋，但個到竟然無．．． 無蓋用，點算好？ 男老闆叫我等一等，跟住佢開左架電單車走左去，１分鐘後拎左個蓋＋膠袋俾我， 依Ｄ就係好既服務態度啦！ (註：杯咖啡真係唔錯!) 佢係我地半日遊既導遊，佢話佢個名既意思係Complete，佢幫自己改左個中文名叫「完全」。佢好傾又好人，我地問佢點解在胡志明市見唔到麥當勞，跟住佢就拎住個地圖幫我地搵。(其實我地都係無聊問下ga ja) 傾傾下，我地發現大家有一個共同話題，就係．．．．． ．．．．． ．．．．． ．．．．． ．．．．． 史提芬周！！ 講到大家都哈哈哈 ，香港電影真係好厲害！ 坐車坐得耐，某些人會做一些怪舉動引人注意．．．．好似雪小姐佢咁，佢自殘身體，帶來５個名副其實既「Kai指」．．．仲要話某些Kai指唔能夠face to face交談，要靠拇指傳話．．．．不過，我覺得好好笑，哈哈哈。 笑騎騎，放毒蛇。 坐左約2小時車後，就黎到古芝地道的售票處，入場要自費，每位約USD5。 參觀地道前，要上下堂，認識下越戰歷史及地道結構。你不能不佩服當時越南人既智慧，能夠做出一個咁大面積既地底避難所。 我地入地道啦，好緊張！ 個地道好窄，好黑，要屈住個身先行到，前面ｄ外國女仔係咁大叫 ：Oh my god!!!! 但又唔行快d，最後行左一分鐘，終於見光，出返黎喘晒氣．．．但好好玩好刺激！！哈哈 (remark：有人建議去古芝地道要著長褲，我地好聽話著左，但覺得好熱，其實著短褲都唔會弄傷腳。) 返出黎有野食，木薯配花生碎，唔知係未肚餓，我覺得幾好食！跟住再行多一陣就完成今次既旅程，我地都覺得湄公河好玩ｄ！ 返到鬼佬街之後，出發去唐人街(District 5，第５郡)覓食，我地4個慳錢至上，當然坐巴士啦！但我地唔知坐咩車先岩，哈哈哈。 無問題無問題！路在口邊！ 我地在越南街頭問路時都會發生以下情況：問某個人，但附近既人都會走埋黎幫手。依位先生就係其中一個，我地本來問緊個學生，但佢好主動黎幫我地。雖然佢樣子有點惡，左手拎煙，仲問我地有無火，哈哈哈，但其實十分helpful！！因為佢，我地先至順順利利上到車。 上到車又周圍問下人，自然唔會落錯車。 我又要講：越南人真係好好好好人！ 點擊圖片放大 第一站：權記麵家。店主係華橋，所以可以用廣東話落單，好開心！一人一碗麵，好唔好食呢？？？唔係唔好食．．．如果我在越南逗留一年半載，我會黎依到感受下香港味道，始終香港真係好多好野食，香港既麵好食過依間。 點擊圖片放大 第２站：錦麗。食牛肉河，個湯底唔錯，好濃肉味。都值得一試，但佢地好似有ｄ不滿我地只叫２碗粉，係咁叫我地飲野。 食飽諗住周圍行下，但下雨，條街又無乜特別，所以我地決定返鬼佬街個邊行market。 (待續：之後遇到３個好好既越南人，我又要講：越南人真係好好好好人呀！)
