之前講到要返鬼佬街個邊行market，所以坐巴士返去！ 上到車後，又唔知邊到落車至岩，惟有問乘客。依3個越南人好熱心教我地，又非常健談。 原來大家都係同一個站落車，實在傾得太開心，交換email日後聯繫啦! 雖然只係短短10幾分鐘既車程，但完完全全感受到越南人既友善。 我地幾個落車後繼續傾傾傾，之後遇到右手邊既女仔，佢好奇地問我地來自何方，跟住又問下我地依幾日去左邊玩，真係好客呀! Nice指數繼續向上升，其中２個越南朋友話要帶我地去Market，但其實我地見到座building，自己都識行，但佢地好好帶到我地去到market門口先走。 在越南遇到很多好人，係佢地令我地愛上越南。 依個market好多野行，有得食有得買，買到我地唔夠越南盾要出返街邊唱錢。哈哈哈，記住要講價呀！行到口渴就買young coconut飲，好好味！！ 我地既晚餐，又係春捲呀！！今次配檬粉! 雖然老闆娘只係整個麵，但都好用心，即時炸熱返d春卷，即時撈醬汁，仲炸滾油淋落麵中。這份細心同仔細，令人好想拍手致敬。 行完街就返guesthouse，依幾日我地都經過依個公園，發現越南人真係好健康，差不多入黑時，就好多人去到公園做運動，通常都係踢毽子同埋競步。 又明白到點解人地個個都咁Fit!!!!! 開餐前上一上網，我地發現鬼佬街有間旅行社有15分鐘免費上網，哈哈哈，我地當然唔執輸，咁又慳返ｄ錢。依間旅行社在Sinh cafe對面。 我們的輕盈晚餐，雖然凍左，但都好好味！！我地食完一盒之後好似無食過野咁，應該每人買多盒。 肚餓到要食椰肉．．．．．．真係好慘．．．點解要咁。 依個叫做牛奶果，係越南獨有生果，係我地前一晩在街邊買。 聽聞可以食既部份只有好少，但我地好肚餓，除皮+核外，乜都放入口。味道有ｄ似奇異果！！ －－－－－－－－－－－－－－－－－－－－－－－－－－－－－－ 越南之旅亦都結束！明天坐車去柬埔寨啦！！！！ 玩３日真係唔夠喉，我地話下年要再去過，越南咁大真係有排玩。
