今日要離開越南，向柬埔寨進發！！ 臨走前都要食多次法包，哈哈！由guesthouse去到依間舖頭要15-20分鐘路程。 點擊圖片放大 我地一共買左8個，1人2個，一個做早餐，一個做午餐！ 本來我地諗住坐sinh cafe的巴士去柬埔寨首都金邊(Phnom Penh)，但佢朝早6點開車，太早啦，所以我地就改坐Kim cafe的巴士，9點開車，車程約8小時，下午5點到金邊，車費USD 10/人。 Kim cafe在sinh cafe附近，後來我地發現依間公司同Capitol Tours有聯繫的，而Capitol Tours係柬埔寨一間Trave agency，好多遊客都會坐佢地既巴士。 一上到車都幾失望，因為同之前睇相唔同，位同位之間都幾窄。 ８小時的車程都算長，為左令司機精神抖擻，全程播ＭＶ。佢地Ｄ歌都幾好聽，又會好多人跳舞，搞到我地都一齊聞歌起舞！！！哈哈 11點幾去到越南邊境，真係要同越南say goodbye啦!!!!!!!! 其實上巴士時，巴士上既服務員哥哥(白色恤衫男士)就keep起晒我地d 護照，因為我地o係香港無做柬埔寨visa，所以就要服務員代勞，當然要收錢啦，但好似收多幾蚊USD，但服務周到，好抵俾！ 好似出境時，我地只需要企定定，服務員就幫我地搞過關，叫到我地個名就走得，方便快捷！！！！無得彈！！！雖然架車真係舊ｄ，但service補返數!! 上返車，我地又食午餐----法包！ 但食食下，阿雪竟然喊！仲要係兩行眼淚，停唔到咁款！ 以下對話，憑記憶寫： 我：嘩！你仲乜喊呀！雪：好辣呀！！！！我食到舊好辣既野，ｄ眼淚停唔到！（繼續喊）我：哈哈哈，有無咁誇呀！你ｄ戲好浮誇。雪：真係好好辣呀！！（繼續喊） ．．．．．．．數分鐘後．．．． 我：嘩！好辣呀！（我個時都不受控地喊，開始覺得口腔及嘴唇腫脹）雪：都話架啦！！！仲話我誇。 從未食過咁辣既野．．．．．．真係辣到噴火！！ 向柬埔寨前進，沿途風光明媚！ 約１點，我地去到柬埔寨邊境。 服務員又為我地奔波啦，幫我地做visa!!!!! 我地又企定定等過關!!!!! 之後又上返車繼續訓覺。仲有4個鐘車程。 司機手車同個法包一樣咁辣！！哈哈，但佢好似好有經驗咁，所以我地都置生死於不顧，訓到傻！ 我訓醒時，見到換司機，但換左個好後生。 我：雪，我地唔好訓啦。好似好危險。 雪：ｘｘｘｘｘ （唔記得左佢講乜，但好似唔想理我） 但數分鐘後，我又陷入「昏迷」，醒返時，司機又換返做舊個個。 雪：又話唔訓既。我：哈哈！周公話我知無事，叫我訓。 進入柬埔寨境內後，覺得同越南好唔同，較落後。停車時，就會有當地人圍住我地架車做生意／乞討。 有一個雙目失明的男仔來行乞，令我想起slumdog millionaire。亦看見一個小女孩拾起地上既食物殘渣來吃．．．．(睇見咁，個心真係會有ｄ唔舒服) 訓下醒下，時間過得好快，就要落車，但竟然落大雨，玩野！但真係落車時，又停雨，好奇怪的天氣！停車處係Capitol guesthouse門口。 落左車就諗住搵「香港酒店」，點解要搵「香港酒店」呢？事緣係在巴士上竟然有個識講廣東華既華人，佢介紹我地住「香港酒店」．．．但照佢意思去搵左一陣又搵唔到，跟住我地諗，唔知佢係未傻，見我地係香港人就叫我地去搵「香港酒店」．．．．不過唔緊要，佢都幾好人既，仲叫我地小心財物。 最後，我地入住河邊附近既「Her Royal Highness Hotel」，嘩！住Hotel！但都係USD 15/ROOM，好抵，我地個時都係咁諗，但就在這裡發生不愉快事件。 安頓好都6pm啦，成日都係食左２個法包，要去河邊醫肚。
