金邊依幾日既所見所聞由阿雪寫!!!! 我地首先都係決定係河邊行一陣先食野，俾我地見到有一大班小朋友係街頭賣藝，跳hiphop!!!! 佢地跳得好似好開心咁架，不過大熱天時要都要佢地著d overszie長袖衛衣同冷帽係度跳都辛苦啦!!! 由於多外國人去柬埔寨旅行，d 小朋友為兩餐都要投其所好．．． 河邊對面的是酒吧街，有好多間bar，間間差唔多，我地隨便揀左一間黎食，跟住再去另一間飲下野，講真，個度既食物味道都係一般!!! 之後我地就打算返酒店，我地本來都打算唔行返原路，因為之前我地要穿過一個類似屋苑咁既地方先去到河邊，咁我地見入左黑，又無街燈，都打算行返大路。 點知條大路封左唔俾入，咁d tuk tuk 司機又自然行埋黎兜生意，但佢地開價USD2，我地見15mins 路程唔捨得俾，cheap到死惟有行返果條屋苑捷徑(應該長100米)!!! 〔kit補充：如果我在香港見到咁既路，我一定唔會行！但去旅行時，個膽又唔知點解變得咁大！！〕 點知入到去伸手不見五指， 一個人都無，我地果時先知死，feel 到有幾危險，但行左都無計啦！ 惟有硬住頭皮拎晒電筒、刀仔、哨子出黎壯膽，快快步行完佢，哈哈!!! 好在都有驚無險，不過行完個心都係咁跳架 ，我地都無話俾屋企人知我地咁大膽，實鬧死!!!!! 〔但大家唔好學！！！真係危險的〕 返到酒店，我見到房門隙中透出白光，我就同kit 講：「e... 我明明有熄燈架wo!!??」 (果時我個心有離一離架，不過後來安慰自己記錯) 不愉快事件就係咁開始.... 待續!!
