入到房，我地沖完涼打算訓，點知kit就同我講佢唔見左擺係backpack入面既錢(USD40)。 [kit補充：其實沖涼時係覺得有唔妥，所以沖完即刻check backpack，點知真係出事。] 我話：d 錢你唔係跟身架咩？？佢話因為驚如果係街比人打劫,係酒店都仲有錢返屋企wo... (係度扮晒謹慎, 你話佢係唔係懶醒丫!!!) 我問佢會唔會用左或者記錯左，佢話一定唔會，d 錢真係不翼而飛!!!跟住我覺得個背脊涼涼地，同佢講：我都話我有熄燈架la!! 真係似有人入過黎開晒d 燈搵野偷呀!!! 講到依度，我地真係覺得好恐怖，間房好似比人自出自入咁(好似果一刻都有隻眼係背後望住我地咁)!!! 如是者，我地叫埋另外兩個同伴過黎(叫佢地帶晒d貴重野)商量, 大家開始下計依幾日用左既錢，最後肯定果USD40唔係用左，係真係唔見左!! 仲比suki發現左門鎖果個位有比人”撬”過既痕跡tim!!!! 於是我地就諗下一步應該點做... 我提議報警，唔係為左個區區$40，宜係我覺得比人偷左野去舉報罪案係天公地道既事 (加上果時我真係覺得好嬲 ，哈哈)，最後我地大家有左共識，決定報警!!!!! 但是，由於當時已經係深夜時份，我地想到如果我地貿貿然去報警，一定會驚動到酒店職員，如果偷錢的人就係酒店的識員，咁我地就會好危險，連人生安全都會受威脅!!! 所以我地決定當晚按兵不動，等第二朝先行動(起碼酒店門口面向大路 ，有咩事走都容易d 丫!!) 但我同kit 就走左去佢地間房訓 (覺得自己間房好唔安全咁)，結果4 個人果晚就攬住d 錢財迫埋一齊訓啦!!! 哈哈，仲要好白痴地搵張凳壓住木門，作用是零，但求心安啦！
