到左第二朝，我地執曬行李落樓，同識員講我地唔見左錢，麻煩佢地幫手報警， 同埋我地要退房... 佢地表現得好愕然，不斷咁強調唔係佢地做。我地話我地明白，我地都相信唔係佢地做 (事實上佢地都似老實人，起碼我地覺得，哈哈)，不過宜家我地係想解決件事，所以想你地幫手報警。跟住個reception 姐姐就叫我地等等，佢就自己走左去後面向一位外國人上司請示 (個外國人成日坐係果個位用電腦，好似咩都唔理咁架)... 跟住無幾耐佢行返出黎同我地講依間酒店從來無發生過失竊事件，叫我地唔好退房，話free 我地一日房租!!! 我地就同佢話唔係錢的問題，係我地對佢地的保安無曬信心 ... 我地堅持要報警，佢地又叫我地等一陣... 跟住就唔知係邊度call左一個類似經理 (or 保安主任??) 的男人黎，話同我地上去睇下間房的情況!! 跟住我同kit同佢上去，講曬事發經過同比佢睇埋度門被撬的痕跡.... 但係佢無咩反應，又話痕跡可能係之前有客人留左key在房，所以要爆門，個時我地又唔反駁佢後備key依樣野，蠢左！ 所以大家住Hostal前記得check房門!!之後有咩事,都有得據理力爭! 但係依度我要講句公道說話，就係佢地一直的態度都係好好的，跟住戲肉黎啦： 個經理叫我地唔好報警，報警都無用，因為係柬埔寨叫警察做野係要比錢的!!! (已經唔係叫佢捉賊架啦, 係佢黎一黎落份口供都係要比錢! 但如果我地想claim 到保險, 就要出示一份報案記錄...) 經理話分分鐘多過我地被偷的錢咁話wo... 發生咩事呀!!!?? 宜家仲係雷洛探長個年代咩??!! (不過其實我地明白可能宜家仲有好多落後國家有依回事, 不過果一刻我地真係好嬲，覺得好唔合理!!) 我地就即刻打左去保險公司24小時果個求助電話，問下佢地如果我地真係比左依筆錢d警方，依筆錢佢地claim 唔claim 埋... 因此我地浪費左好多電話費.... 等的同時, 我地就上網搵其他guest house 的資料，準備走佬... 仲好白痴咁係度嘈，話要去中國大使館求助 (不過最後當然無去到啦) 哈哈哈哈!!! p.s. 順帶一提，係出發前我地搵曬4 個國家的區號，求救電話同中國大使館求助電話，copy 好放左係護照度以備不時之需!! 結果得到的答案係保險公司可以唔需要我地出示報案記錄，不過要酒店方面寫一封信，表示有依件失竊時件發生左... 咁好啦，我地就草擬好一封信比酒店簽，內容大致係：「我地4人係果段時間有入住該酒店, 而我地亦有鎖好門窗才外出,但回來後發現金錢不見了!」 我地比封信個reception 姐姐交比個外國人上司，之後我地足足等左半小時有多個外國人先施施然print左四份野行出黎，同我地講佢唔可以簽封信，因為佢唔sure 我地係唔係真係鎖好門同真係唔見錢，所以淨係可以出4封信寫我地四個係佢酒店住過!!! 真係@#%&@%#^@$@%&，搞左咁耐，得個橘，真係火都黎!! 雖然我地好不滿，但係最後我地都係拎住果4張廢紙走左... 因為其實我地糾纏係依件上事止面已經3個鐘有多架啦!! 真係身心俱疲，初初懶有氣勢的我地決定放棄... 我地認輸啦!!! －－－－－－－－－－－－－－－－－－－－－－－－－－－－－－ 不過我覺得依個係一個唔錯的體驗，可能你地會覺得我地好無謂，做咁多野都係攞黎搞，但係依d 先叫自由行丫嘛!! 有好多未知的事會遇到，又有好多的事要解決... 就係因為咁，我地認識左少少柬埔寨的執法體制，好快我地又會因為另一d事而認識到柬埔寨的醫療體制了.... 都話我地旅行唔係淨係為左玩架啦，係好「深度行」架, 哈哈哈哈哈!!! 總括而言，係柬埔寨都係錢跟身安全d，起碼我地無見過有人搶野... 而如果係小事都唔駛報警，費事比錢d柬埔寨「公僕」用啦!!! 出左酒店之後，我地就踏上依個旅程最艱辛的一段路啦!!!! 待續..... (好似唐僧四師徒去火焰山之前的對白)
