離開左黑店，我地就向Nice Guest House進發... 依間Nice GH 其實我地一早就有考慮過(因為網上d comment 都ok)，不過我地比果間又平(usd$15)又大間的酒店矇蔽左，所以無去睇下先... 但當我地明白左」無咁大隻蛤蜊隨術跳」依個道理之後，就上網search 左佢個地址，對住地圖去搵依間GH 啦!!! 出到去，正正係中午時分，柬埔寨氣溫應該高達40度，四野無雲，個太陽曬落黎D 肉係痛架!!! 我地仲要揹住果個backpack係依個「人間煉獄」到行，行呀行，行呀行.... 愈行愈慢，個膊頭愈曬愈紅(我地果時無咩搽防曬)仲開始無知覺，呼吸又有D困難， D汗流到可以沖得涼!!!! 真係好似行刑咁，無誇張 (如果唔係果時我地已經累到無力舉起部相機， 真係想拍低依個咁悲壯的情景!!!) 行極都無我地想搵果條街，問路又好似個個都唔知咁，搞到我地失曬方向，好似係沙漠到爭扎咁... 明明張地圖show到好近架，但點解行極都行唔到ge??!! 都唔知係幅地圖scale有問題定我地唔識行兜左路.... P.S. 雖然金邊唔係好大，街名又係用數字排 (單數係直街，雙數係橫街) 好似好易行咁，但d 指示同路牌都唔多，d 人又唔識街名/no，有時行行下都唔知行到邊，所以建議大家最好搵d update d/details d ge地圖會好d (我地就係用左本旅遊書的小地圖同係酒店拎的hea地圖，所以行到好辛苦!!) 我地做咩咁折墮唔搭tuk tuk呢？？...其實係途中我地都有問tuk tuk司機點行，但佢地就只會不斷同我地講「好遠架! 好遠架! 唔可以行到去架!」 我地四個覺得佢地好唔老實(因為我地知用腳行係去到，最後事實亦都證明左)...再加上我地硬頸的性格，覺得捱左咁耐點都要捱埋落去，於是又唔搭tuk tuk，繼續踏破鐵鞋!!! 中間有個tuk tuk 司機唔知係唔係嬲我地唔幫襯佢， 居然指左一個相反方向比我地!!! 好彩佢地3個識d路(起碼有個concept) 無跟到， 唔係就真係一鑊熟都似!!! 不過可能係我地小人之心ge， 個司機唔係有心扼我地都未定... 但當sze唔小心跌左d地圖、書落地時，個司機竟然說： I told you it is not easy!!!!!! 火上加油! 就係因為依個司機的「激勵」，我地決定死都要搵到為止， 最終皇天不負有心人， 比我地搵到果條街搵啦!!!!!!! 見到個街no. 的時候我地真係想大叫....... 我地企係街尾，間GH 居然係街頭!!!! 天呀，點解要比七七四十九劫， 九九八十一難我地先心息呀!!!?? 我地向住目標前進，共行左30-45分鐘，終於見到我地的綠洲 --- Nice GH 出現係我地眼前啦!!! 個一刻，我地真係要為自己的堅韌同耐力鼓掌!!!! 講真，平時我地係香港係果種行小小路都唔肯，嗌曬救命同要搭車果d 人，所以話人在他鄉同係極地的時候真係會有個小宇宙爆發架!!! 同埋我想讚下大家的EQ，係咁惡劣的情況之下我地都無發脾氣，真係好叻!! 心水清的suki發現原來果間Nice GH 就係我地一到步果間Capitol 附近 (Capitol 係GH亦係旅遊公司名... 果一帶有d 似市中心同遊客集中地，有好多GH，旅遊公司，運輸公司同tuk tuk司機，如果無咩做資料蒐集的朋友仔，可以選擇係capitol 一帶落腳，好方便!! 當然因為出名就多人架啦，所以旺季黎好多人都話要book定房，不過我地懶得搞，又唔係旺季去，所以先揀walk in，一心諗住起碼可以貨比三家!) 講返Nice GH先，真係店如其名，係幾nice 架!!! 當然外表唔係好豪華，不過房間叫乾淨整齊又唔細... 我地住係3樓， 略嫌行樓梯辛苦少少， 哈哈!! 以usd$13的價錢絕對抵住!!! 一決定左入住，我地就打比Rain 啦 (佢就係我地係萬谷湖遇到再帶我地去「Her Royal Highness Hotel」果個tuk tuk 司機l!) 因為佢之前問左我地駛唔駛包佢一日帶我地係金邊遊覽，我地見佢個人好得意又誠懇，英文又幾好，就叫左佢之後果日9點開始包佢一日去我地想去的地方啦!!! 所以我地轉左GH 之後就call 佢叫佢第二朝改去Nice GH接我地啦... Settle down之後， 我地就去醫肚同正式開始我地的金邊之旅啦!! 但係因為偷竊事件令我地浪費左半日，所以打後的行程就顯得有d趕la..... ------------------------- 補充一下NICE GH的資料: 網址：http://www.niceguesthouse.com/
