離開killing field的時候都已經係下午的2點，我地當然要去醫下個肚先啦... 買左罐汽水慰勞下我地辛勞的司機Rain之後，就開車出返市中心。 Rain問我地想去邊度食，我地無咩idea就叫佢介紹，總之係「traditional cambodian food」就得... 跟住佢就車左我地去一間路邊餐廳度食。 果間餐廳好簡陋下，唔似做遊客生意，連d侍應都唔識英文ge...似係d本地人食開/d tuk tuk司機平日聚腳的地方(價錢around $1-3)。我地自然就叫Rain幫我地翻譯同點菜啦!!! D 餸樣樣都好細碟ar!!! 我地叫左好多先夠飽，但Rain同其他當地人都食得好少就話夠，唔知係唔係柬埔寨人慣左細食呢?! D野食就不過不失la，都係我同sze ge最愛柬式湯水最靠得住!! < Soup 係食餐飯面，kit都搵到佢的最愛la，就係「AMOK」(柬埔寨式咖哩，有椰子碎係入面) la!!!之後佢幾乎餐餐食飯都叫「AMOK」黎食，好似我同sze個湯咁，哈哈!! 不過Rain同我地一齊食飯就顯得有d 避忌同唔好意思呀，可能唔慣啦!! 食完野我地就去左俄羅斯市場行街。俄羅斯市場係一個類似跳蚤市場地購物熱點，入面衫褲鞋物、日用品同特色手信都有得賣。再加上佢入面只有乾貨買，所以都比較乾淨。 順帶一提，好多人係金邊會行中央市場，不過我地因為無時間同聽朋友講俄羅斯市場有特色D，所以只係去左俄羅斯市場。仲有好多人話金邊shopping平d，有咩手信係金邊買左先唔好等去暹粒先買，我地發現係錯架!! 2 邊價錢其實差唔多，所以如果趕時間的話，可以到暹粒才買。 市場內大家買ge貨差唔多，價錢亦都差唔多，不過好似d衫咁，同一個圖案唔同鋪頭有唔同色，唔同料，所以都不妨行多幾間比較下。 我買左一件我覺得必買的tee – 「I SURVIVED IN CAMBODIA」，完全係心聲!!! Yeah!!! Sze 就件 「SAME SAME BUT DIFFERENT」 tee，「same same」係柬埔寨sales ge口頭蟬， 因為d 客一問佢d 野幾錢，佢地就會話件件一樣價 – same same!! Kit就買左一條唔襯佢ge民族褲.... 行完market，我地醒起要早d去買聽日去暹粒的車票，就叫Rain車我地返Capitol買la... 點知Rain話佢知有一間新開的公司，d車新d，d service又一樣(有水有三文治供應)，仲一樣係usd10。 <有相為證 我地都估到Rain 同間野應該有d關係，不過估佢都唔會點條黑路我地行，就去左間新公司買票la!!! 去到見佢門面ok，d 相入面ge旅遊車又幾新淨，就決定買8:30果班車la(有再早d的班次，不過計過依個時間最岩，原因稍後就會知)... 買完車票，我地突然想去買生果食。我地心諗，黎到東南亞地方就買個果王榴槤食下啦。 去到街市(2排路邊檔)，我地落車揀榴槤，無從入手之際，有一個講廣東話的男人出聲教我地揀ar居然!!! 真係度度都有中國人!!! 佢原來係hk人，好耐之前黎左柬埔寨開廠做生意，之後愛上左依度，落地生根仲娶埋個柬埔寨老婆tim!!! 我地好奇問佢柬埔寨點都算係落後地方，有咩吸引佢留低，佢話一來依度生活水平低，d 錢好洗d，二來生活簡單d...我地睇佢都似似地柬埔寨的「上等人」，生活無憂!! 最後佢幫我地揀左個榴槤，盛惠usd5，好貴呀!!! 跟住我地決定寫意d，去左穌利亞商場 (Soriya Market)。 佢係金邊一個大型購物中心，有幾層高，入面有一個大型超級市場同food court，仲有好多品牌商戶， 可以話係金邊一個感受資本主義 的地方。 我地去左super market買野飲零食(入口處有個寄存處，你要擺低個袋先可以入去，不過錢記得跟身!!) 我地係入面見到 佢呀!!>>>>>>> 見到楊協成呀!!!! 同埋王老吉。 我地買左王老吉，因為好似好熱氣! 我地仲買左4款雪糕tim!!! 之後sze去左food court買炒飯，我地3個就一致去左快餐店買炸雞套餐 ($2.5-3)， 香港人都係要食返d junk food 先似樣ge!!! 我地最終就拎住一大埋外買同零食返酒店啦!!! D 炸雞都幾好食，反而個榴槤就令人大失所望啦!! 有乾又無味，好似食緊一舊黃色的粉團咁，好難食!! 個香港男人仲話會好食tim... 唔知係佢唔識揀丫定柬埔寨d榴槤真係咁ge味la!! Rain話聽日車埋我地去車站(我地已經比左依2日錢，$15，有$2係tips)，我地見佢誠意拳拳，又無同我地講錢，就約左佢第二日8點la... 仲有，就係佢介紹左佢係暹粒的tuk tuk車司機朋友比我地，叫LE LE， 叫我地搵佢，我地覺得Rain service 幾好，就信物以類聚，以為佢朋友都ok (加上唔駛自己搵，方便d)，就應承左，咁Rain就比左我電話LE LE，同時叫佢果日係暹粒果邊車站接我地la!!! (LE LE同時都會介紹由暹粒去金邊的客比Rain，可謂集團式經營，哈哈!!) 金邊的最後一晚，我地街坊look到GH Lobby上網，雪發現吸水毛巾還有另一個用途，變頭巾．．．．．．佢一身造型，真係好似丐幫幫主！ 明天出發去暹粒(Siem Reap)，即是 吳哥窟 的所在地!
