第二日我地又去左capitol食炒蛋早餐，仲撞返幫我地搞visa既男仔!!哈，佢好nice咁同我地say hi! 傾計先知原來佢係柬埔寨人，我地仲一直以為佢係越南朋友! 之後就join埋Rain去車站，沿途有個tuktuk司機聊我地傾計。 佢話佢爸爸係中國人黎架，不過佢自己在柬埔寨出世。哈哈，點解2架Tuk tuk開緊，我地都可以一路傾計？？哈哈，都分左2次傾架，停車就講，開車就唔講，交通安全最重要! 佢笑得幾開心，仲會「V」，哈哈。 早左少少去到車站，有個菲律賓男人問我地坐幾點車，我地先知原來7:30班車取消左，佢好無奈等左個半鐘，但又唔可以怪間公司既，生意難做，一定湊夠人先開車。 最後同Rain依依不捨咁道別之後 (我地照比車錢佢， 心甘情願地)，我地就上左車離開金邊啦!!! 不過Rain 就真係好介紹la，架車無水無食物連濕紙巾都無供應，d服務員又唔識英文，無啦啦叫我地落車，我地以為係去廁所時間la.... 點知見個個坐係間茶樓食lunch，我地先知係食飯位!!! 得過半個鐘，我地唔想食度到趕頭趕命，決定唔食用身上僅存的零食續命.... 成肚火咁經歷左6小時車程，我地終於到左暹粒，個車站咩都無，係一片沙地咁ge地方，有好多tuk tuk司機係度等客，我地離遠已經見到「ms suet」的牌舉起左，就同左Rain的朋友LE LE相認，直駛我地心目中的目的地—BeQuest GH。
