[Angkor Wat依部份由輪返我寫啦!!] 去到暹粒，覺得同金邊好唔同，多左份寧靜。 3:30PM，我地好順利咁入住我地一早計劃入住既BeQuest GH，點解咁想住呢？因為佢由華人開，而且睇forum話ok。 USD13一晚，物有所值既，乾淨樓底高！好彩無聽Tuktuk司機LELE的介紹去另一間住。 Be Quest地址：#012, Phsa Krrom Street, Vehear Chin Village, Svay Dangkum Commune, Siem Reap District (tel:855 063-963-317) GH好近Old Market, Night Market同埋Pub street，10分鐘路程。非常方便! －－－－－－－－－－－ 黎暹粒，當然為去吳哥窟。但都要醫肚先，我地到埗個日咁岩係星期日，好多餐廳都唔開，LELE最後車左我地去佢Brother的餐廳，不過唔好以為真係直屬兄弟，只係稱兄道弟個d brother. 食飯途中，我地諗緊之後仲繼唔繼續請LELE做我地既司機，因為佢開價好貴，我地睇Forum都話usd 10/day都可以，但佢開到15-18.......簡直當我地水魚! 食完飯都4:30pm，時間岩岩好！係時候出發。 PS. 每日5pm，吳哥窟開始賣第2日既門票，買到飛就可以免費入場去巴肯山睇日落。 門票分3種：1-day; 3-day;7-day。我地買左3-day pass (usd40)，可以慢慢遊覽！ 由市區去吳哥窟約20分鐘車程。開始進入吳哥窟，兩旁有好多大樹，完全睇唔到吳哥窟的所在地。 沿途大家都好興奮!!!! 實在期待而久!! 我地見到angkor wat啦! 不過我地唔同佢近距離見面住，我地要去巴肯山睇日落先！ 上山有２種方法：１）坐大象 （要錢） ２）行 （唔洗錢） 我地緊係行啦！！！！！！哈哈！但都要行15至20分鐘! 鬼叫我地窮呀! 去到目的地，見到好多人。唔係旺季都多人，咁旺季去點算？？？？ 大家都爬呀爬．．．好好玩！！ 我地發現著波鞋會好爬ｄ！ 上到去，大叫嘩！！！！！！！！！ 好大舊雲呀！ 不過ｄ光由雲層中透出黎，都好靚！ 大家見住舊雲，都無何奈何，等到最後一刻，真係睇唔到先走！ 無計啦，人點可以同大自然鬥。無得睇就無得睇！但上到山，好有大地在我腳下既感覺。 我地除左上黎睇雲之外，仲做左另一樣野，就係做格價專員！！問左２pairs 華人，問佢地租tuktuk司機要幾多錢。其中一pair內地情侶，佢地講價講到USD9/DAY，包睇日出日落，我地甘拜下風！ 不過佢地都好Surprised點解我地要18咁貴，叫我地搵過另一個。 咁我地計計計計計計，落返山之後，都決定照用LELE，但就要佢減到USD13，佢不情願咁ＯＫ左．．．其實都俾多左啦．．．． －－－－－－－－－ 輕輕接觸吳哥窟後，我地出返市區行night market。 好好行，一個好有特色的市集。 行完街諗住去食晚飯，中途好多tuktuk司機兜客，我地又去打聽下價錢，做水魚心有不甘呀！！ 最後，我地就在柬埔寨的夜空下，遇上另一個司機ah ly，佢話佢好耐無開工啦，3日收費係10（包日出）/10（包日出）/15（女皇宮＋水底浮雕）.......價錢合理!!!!!!!!!!見佢好老實（其實個到黑到我都唔係好見到佢個樣．．．哈哈），不過都一拍即合呀！佢仲話搵佢brother換架大d既車，所以我地就打比LELE取消服務!!!!!! 同Ah Ly交換左聯絡方法，同埋約佢明天4:30am在gh門口等之後我地就食飯，跟住返去早ｄ抖，因為第二日要4am起身，去睇日出。ｙｏ！
