去完小吳哥，我地繼續今日既行程。 吳哥窟（小吳哥）＞荳蔻寺＞Banteay Kdei＞變身塔＞塔普倫寺＞塔高寺＞Thommanon 荳蔻寺( Prasat Kravan）：主要睇紅磚淺浮雕。 班蒂喀黛寺(Banteay Kdei)： 我地在Banteay Kdei遇到下面個先生，佢同我地傾傾下計，帶我地遊覽，介紹雕塑。去到某一個廟時，佢話我地貼住牆企敲心口會有回音，我地４個跟住做，真係架！好神奇。 但世上唔會有free lunch，佢帶得我地周圍去，就會收返我地錢。佢要求USD4，我地覺得唔係幾合理，所以俾左USD2。之後我地係第二D地方都遇到依D人，但只要禮貌地Reject就ok。 我地幫下面女仔買左d postcard，佢話將來想做老師，希望佢如願以償。 依個小朋友叫Ah Wah，佢話下午先返學，所以朝早就賣野。 Ah Wah年紀小小就要出黎工作．．．．香港人實在太幸福啦！ 皇家浴池(Srah Srang)：人工湖，在Banteay Kdei對面。本身我地諗住聽日黎依到睇日出，但Ah Ly建議我地可以順便睇左先。 變身塔(Pre Rup)：有人話係國王死後火化升天的地方。 太陽太猛烈了，真係要抖抖，同埋補太陽油。 依ｄ手鐲全部都係由柬埔寨的小朋友送給我們，very nice!! 差唔多1pm，我地決定食lunch再繼續，我地叫Ah Ly車我地到附近食飯，去到一間餐廳，睇menu見到每人都要USD3-4，我地都好唔客氣話太貴，跟住職員肯平俾我地，大約USD2-2.5，咁我地就留低食啦！！哈哈！ 食完飯我地向塔普倫寺(Ta Prohm)進發。即係＜盜墓者羅拉＞其中一個拍攝場地。 PS.依個廟佔地廣闊，所以書建議我地叫Tuktuk司機在E gopura放低我地，在W gopura接返我地，咁就唔洗行返轉頭。 塔普倫寺由Jayavarman Ⅶ為其母親所建，所以有母廟之稱。依到樹廟合一，都幾壯觀。 樹與佛像合二為一，睇書知道有依個必睇位，但唔留心都幾難搵，我地本來見唔到，但咁岩有個導遊同個外國人講緊，咁我地先見到，呵呵，真係好細，好易miss左。 間中有小朋友執水樽。 塔高寺(Ta Keo)：依個寺廟尚未完成，所以無雕刻，只有由石塊砌成的建築物。 但依個廟令我地印象好深刻，因為佢d樓梯好斜，我地要手腳並用先爬到上去。但落先考功夫，我地真係爬得好慢，好驚跌，但當地人就好靈活咁跳跳下就到地，好彩佢地教我地走捷徑落，唔係真係唔知爬到幾時。 塔瑪儂遺址(Thommanon)：主要睇雕刻精緻既仙女。 依2個顧住坐，得我同詩周圍行。 今日既行程圓滿結束。由5am行到4pm，係時候返guesthouse抖抖。 －－－－－－－－－ 回程時，我地見到一單交通意外，好多人圍住個細路，見到地下有血．．．我地即刻叫Ah Ly停車，我地落車睇下咩事。 有個男仔既頭部受傷，但已經包紮左，而另一個男仔無知覺咁俾個女人抱住，警察話已經叫左救護車。 個個女人係咁按男仔既肚＋搖佢．．．阿雪就阻止佢，我地又大叫叫佢唔好再咁做，咁會傷害到個男仔，但佢又唔識聽英文，即使有人翻譯佢都唔理。之後，雪就拍下個男仔睇下佢有冇反應，又摸下佢脈搏，發現脈搏都好弱．．．．．．． 跟住，有個男人駛左駕電單車黎，個女人就抱起個男仔，夾左佢係中間就車左佢走．．．．．我地問警察仲乜個女人唔等救護車，佢話可能佢唔想等。 我地最後上返車返ＧＨ，但好感慨，希望個男仔無事。又要講：香港人／己發展國家既人真係好幸福！ －－－－－－－－ 返到ＧＨ後，我地又再落街搵網吧，跟住見到「Heart of angkor GH」有得上網，我地又八下佢既房價，一間Twin room只需USD10，平過BeQuest 3蚊呀! 仲有免費上網，我地決定搬，呵呵。但今晚會繼續住BeQuest先，第二朝先搬。 Heart of angkor GH：http://www.heartofangkor.com/ ; 好近pub street. [但後來發現唔搬好過搬，哈哈] 行返去BeQuest時，買左燒香蕉食，味道有ｄ似番薯。 第２日去大吳哥，待續。
