今日主要係遊覽大吳哥(Angkor Thom)。 行程如下：皇家浴池(日出)>East Mebon>Ta Som>Neak Pean>Preah Khan>Terrace of the Leper King>Terrace of the Elephants>巴戎寺(Bayon)>Baphuon 今日大約4:15am起身，晨早check out，個天仲好黑，而我地就好似賊咁 ，抱住d仲濕既衫，揹住個backpack，拎個電筒，行呀行呀，行去「Heart of angkor GH」。然後放低ｄ野，掛起ｄ衫，又行行行，行返去BeQuest GH，搵返Ah Ly開始今日既旅程。 皇家浴池 我地又睇唔到日出啦，哈！ 大自然唔俾你睇日出就唔俾你睇，唔洗擇日。 不過我地重遇Ah Wah，佢又叫我地買postcard，佢見我地唔買，就同我地傾下計，一齊等一個等唔到既日出。 同佢say goodbye後，我地又食個早餐先。 隔離餐廳老細個女，晨早就畫地玩跳飛機，究竟跳飛機係點玩，我已經唔係好記得。 東梅蓬寺(East Mebon)：本身好似係一個存水的地方。 保留左一隻雕刻精緻的大象。 達松將軍廟（Ta Som）：主要睇女神像。 點擊圖片放大 依個小朋友好細個，好可愛，但佢未識講野，就要出黎買野。 涅槃寺（Neak Pean）：大水池４邊各有４個小水池，有大象、蛇、人、獅雕像的出水口。相傳浸池水可以醫病。 尋找詩姐．．．．． 草地部份原本應注滿水。依到好寧靜，大家都坐定定休息一下。 其中一個出水口＞人形出水口。 寶劍塔（Preah Khan）：Jayavarman七世為紀念他的父親所建造的寺廟，所以有父廟之稱。 這些雕像比我地高，有ｄ已經無左個頭，唔知係俾人偷左，定係去左博物館。 其中一個入口正在維修，如果無左維修人員，我地都好難有得黎依到參觀。為他們鼓掌。 其他寺廟都會有Linga及Youni。林迦（Linga）代表男性性器官，呈正方形既優尼（Youni）代表女性的子宮。 依到都有樹廟合一的環境。 與此同時，太陽越來越猛烈．．．．．．．．．．．． （待續．．．向大吳哥出發） －－－－－－－－－－－－ ＮＯＷ100台的「一個地球」終於去到柬埔寨，我覺得好好睇，好令人懷念呀！
