我地大約11am離開寶劍塔，之後就叫Ah Ly車我地去大吳哥城。大吳哥城(Angkor Thom)範圍內有不同的寺廟，包括巴戎寺、古皇宮、鬥象台、十二生肖塔、癲王台、 巴本宮等。 Ah Ly o係癲王台放低我地，就駛去巴戎寺附近等我地，而我地就一條直路向前行，參觀周邊的寺廟。 但我地好快就後悔叫Ah Ly走 ．．．．．因為當時四野無雲，太陽猛烈，加上無處遮蔭．．．．．．．救命呀！曬死人！！我地惟有開２把遮焗住睇。 癲王台(Terrace of the Leper King) 鬥象台(Terrace of the Elephants) 我地睇左一陣，但已經頂唔順．．實在太曬，根本唔能夠慢慢睇，所以我地決定搵Ah Ly返GH........雖然路程唔長，而且有2把遮擋一擋，但身體發出signal，話我地知唔可以再行，行多幾步一定中暑暈低．．． 就係依個時候，有個女人聊我地去佢間餐廳食LUNCH，我地問有無cold drinks呀!!! 佢話有，我地就好似見到綠洲咁，即刻應承。 Thanks god!!!!!!!! 一人一罐冰凍飲品，個人先開始降溫．．．．．終於明白點解有人話中午時段最好返GH抖抖，唔好周圍行。但我地仍然見到有外國人堅毅地踩單車，令人佩服！！！ 我地食到1pm，體力都恢復得八八九九，決定走出去搵返Ah Ly。 仲係好曬！ 但我地都決定行埋巴戎寺。仲叫Ah Ly如果見我地好耐都唔出黎就call白車，哈哈！ 巴戎寺(Bayon)：巴戎寺分３層，約有50座尖塔，每個尖塔都雕有笑臉，據統計，整個寺廟共有200多個微笑雕像，人們稱為「高綿的微笑」 。 Suki一馬當先爬到第3層，佢就大叫：好靚呀！快ｄ上黎。我地上到去都嘩嘩叫。 好似天空之城。 點擊圖片放大 我地周圍行，遇到一班馬來西亞遊客，佢地根據當地導遊指示，影左好多搞笑相，我地有樣學樣，哈哈。 示範一： 示範二： 我地同個班馬來西亞人好有緣，之後２日都在唔到地方相遇。 唔講咁多，睇相啦。 微笑 微笑 微笑 微笑 真係好多微笑。巴戎寺好值得遊覽。 巴本宮(Baphuon)：正由法國team維修中，有一個巨型臥佛，據聞2010年會維修好，到時會開放俾遊人參觀。 條路咁長，令我地4個同時諗起一樣野................................. CATWALK!!!!!!!! 我地見無人，一齊行左2次癲婆catwalk，仲拍埋片，好搞笑。哈哈哈。我地稱依個壯舉為「Angkor Walk」呵呵呵 其中一個Catwalk造型..............真係熱到癲左! 當地小朋友一定都覺得好熱....佢地係巴本宮既水池暢泳。 今日由5am行到3pm，臨走時下雨，為我地帶來一點涼意。 返GH前，去寄postcard，一張要HKD10郵費呀!! 好貴!!!!!!!!!!!!!!!! --------------------------------------------------------返到「Heart of angkor GH」諗住可以抖抖，點知平野無好，詩同Suki間房既床單有血跡+昆蟲屍體，佢地要換房。 我同雪個間房仲正！！！ 點擊圖片放大 好大條GAP呀!!!!!!!!!!!!!!!!!!!!!!!!!!!!!!!!!!!!!!!!!!!! 我地惟有．．．．．．．．．．．． 搞掂左D gap啦，唔怕有蚊飛入黎．．．．．．． 但又有另一個難題，唔知邊個開左我地隻窗，飛左幾隻蚊同烏蠅入黎。我地成晚就係咁拍拍拍．．．．但依到d蚊飛得好慢，所以命中率好高，相比之下，香港d蚊真係好叻，一定係俾香港人訓練慣，令佢地具備靈活多變既特質，拍極都唔中。 搞掂曬d昆蟲，都唔等於有覺好訓，因為張床褥好軟，個人訓左落去，好似下沉咁，點訓都唔舒服．．．．第二日訓醒係腰骨痛。 之前Check房唔仔細...........就搞到咁。慳到USD24，我地就受下苦啦。哈哈
