首先，俾幅相大家睇下。 估下依到係邊到。一陣開估。 －－－－－－－－－－－－－－－－－－－－－－－－－－－ 上回講到，Lao Airlines放我地「飛機」，放左隻唔會飛既飛機～～哈哈～～班機竟然要Delay一日，所以我地逼於無奈要在暹粒住多日。 我地check out guesthouse後就去laos airline，拎我地應得既野！！！！！ 就係免費住宿一晚＋dinner buffet + breakfast buffet yoyoyoyo! 我地可以住酒店!酒店! 係酒店呀!! 離鄉11日，今日係住得最好架啦，真係忍不住要係張床到碌呀碌呀！ Radius International Hotel Angkor Hotel 雖然唔係當地最好既酒店，但係當你參觀過數間guesthouse，同埋住左10日gueshouse後，你就會明我地既興奮心情。 真係幾好訓架！！ 最重要乾淨，張被夠厚，張床係軟硬適中，好感動！ website：http://www.radiusangkorstar.com/cn-index.htm (有中文架) ------------------------------- 上回提到suki唔舒服，佢既情況未有太大改善，所以搬左酒店後，佢都留在房間休息。 我地３個就出去食早餐啦，同埋有個重要任務，搵下附近有咩醫院，我地想suki睇醫生。 首先去左「柬華醫院」，諗住有個「華」字，無死啦，大家中國人好辦事。 入到去，有幾個護士＋1個醫師坐鎮，佢地好ｈｅａ咁坐鎮，識講普通話，但我地問左幾句之後，決定走，實在太唔可信。 第二，我地去「Provincial hospital」，係當地既公立醫院。 依幾日我地都去同一間餐廳食早餐，侍應哥哥好鬼nice，我地就問下佢對上述醫院既意見，佢話ＧＯＯＤ！所以我地睇下有幾GOOD! 行左好耐好耐先搵到醫院入口，企係門口望望望，覺得唔係好對路，個外觀唔似香港既醫院，更加比唔上香港既母嬰健康院。 同時，我地又見到一架電單車駛來，上面有一個失去知覺既女仔俾２個男人夾住黎求醫．．．．．似曾相識既畫面，前幾日見過，原來當地人興咁送病人入院。 唉，我地決定走。頓時覺得香港醫療服務水平真係好高。 兩間都唔岩心水，唔怕，我地仲有第三間！！ 「Royal Angkor International Hospital」，聽個名就知勁啦!!!! 我地在lao airlines見到醫院小册子而知道依間醫院既存在，單憑小册子我地已經有安心既感覺，所以決定「夾」唔係好想睇醫生既SUKI坐tuk tuk去醫院。 第一張相係邊到黎？ 宜家開估啦，就係依間醫院。 有免費上網服務 優美環境 茶水供應 環境同服務真係可以媲美香港私家醫院。當然，價錢同服務當然正成比啦。 埋單要USD 130!!! 我地深深感受到買旅遊保險真係好重要!!!!!!! 好彩有買!!! 完全唔明點解有人唔買保險就出國。 ------------------------------------ 被我地「夾」去睇醫生既Suki有以下體會。Suki說： 「因為明天便要到老撾，雪建議我去看醫生。他們也拿了一間好出名的醫院資料我看，好像信得過，但不知收費如何，決定先去看看。 一進醫院果然氣派不同，很高級似的，但一問收費我們便嚇了一大跳，要$100醫生費，藥物及雜費另計。我們決定先打回港看看我們購買的旅遊保險包不包，經過一輪對話，他們說包，我才決定看醫生。 醫院內掛上不同醫生的簡介，有本地，也有外地。我們衡量了外表、語文能力等因素後，最終選了一位泰籍醫生。 會見醫生前要先進行身體檢查，當一位護士小姐見到我後有點怕，雪說她可能是怕我感染了h1n1，因為雪看見她知道我沒有咳和喉嚨痛便放下心頭大石似的。而姑娘也請我不用帶口罩，我真的有點不願意。雖然她不會感染甚麼病毒，但我怕，但每次我帶上口罩她都要求我脫下，只好乖乖跟她的說話去做。 終於和醫生會面，把我的病情告訴醫生後，他建議我食抗生素，但雪有點驚訝，因為在香港是不會隨便開這藥給病人。一問之下，醫生解說，因為在醫療設備及衛生環境較差的地方，人們都是吃這藥，就連他自己也是。閒聊間，我們知道醫生是泰國人，他也建議我先在這裡看醫生，因為醫療衛生及技術都比老撾較好。 醫生為確保我不是染上H1N1，所以建議抽血檢驗，但我真的不想，因為不敢使用他們的儀器，怕會得到甚麼傳染，而且我又怕痛，又怕他們的針筒不潔，一會兒共用針筒得了愛滋病什麼算。但看見她們的針筒很清潔，所以才放心，而且那位姑娘手勢不錯。 等了一會兒報告便出了，幸好一切正常。 結帳時約要US$130，真的很貴，要用信用卡才夠錢，要不是有保險我真的會很心痛。那又難怪人家收費那麼貴，一來清潔，二來專業，三來還有免費上網及飲品。」 －－－－－－－－－－－－－－－－－－－－－－－－－－－－－ 大家去到暹粒，touchwood有咩意外，千祈唔好俾入夾住坐電單車去醫院呀！ 打下面個電話啦！！！雖然係貴，但生命好寶貴呢。 anyway,先祝大家旅途愉快及安全！ website: http://www.royalangkorhospital.com/en/default.asp --------------------------------------------------------------- 睇完醫生，大家都安樂晒！suki乖乖地返酒店休息，我地３個就周圍行下。 去左Blue pumpkin食雪糕。每杯都要USD 3-4架!! 高消費活動! 環境舒適! 點擊圖片放大 雪糕味道不錯，但未至於有太大驚喜。 食完野，我地就出發去Center market，行完就去搵返suki去食我地既FREE dinner buffet。 點擊圖片放大 味道...................唔好! 我地覺得出面USD 1-2既食物好味好多。 有folk dance睇，仙女舞！ －－－－－－－－－－－－－－－－－－－－－－－－－－－ 食飽返酒店休息，點知suki食完飯，嘔返粒抗生素出黎，又好唔舒服，我地惟有返醫院睇下咩事。 suki說： 「晚上病情進一步惡化，只好又回到醫院看病。幸好那位泰籍醫生還在，不用再一次把病情告知。醫生說要檢流感，我看見要用一條棒放進鼻子內就怕，果然有點痛，淚水也不禁流出，醫生也被我嚇一跳，不斷說對不起。明天要出境，我不想被無原無顧受隔離，所以要求拿沒有感染H1N1的證明。 最後，報告出來證明我沒有染上流感，醫生開了止吐藥給我。今次的醫療費便宜多了，因為醫生太好人沒有再收US$100看醫生費(如是其他醫生看，會再收見醫生費)。」 P.S. 1.和醫生對話全是英文，建議英文不好的朋友一定要學些病痛的英文詞彙，否則難以表達你的身體狀況2.因為我們帶了大量藥物，所以醫生建議食的藥物都有，不用另購。3.抽血等身體檢驗是另外收費 ---------------------------------------------------------------------------------------- 睇完醫生都凌晨12點幾，大家都好疲憊，但都同suki商量下佢能唔能夠繼續行程。 佢覺得ok，所以我地都照原定計劃明天出發去LAOS。 再提提大家，出發前記得買旅遊保險!
