上回提到，我地終於踏足老撾的土地，而我地既目的地就係..... 四千島 ( 4,000 island) 一出機場，就有的士counter，但千祈唔好上當，超級貴同搵笨。只要行出大路，就會有雙條車或者私家車，價錢平一半有多，如果再殺價應該可以再平。 機場離市區約15分鐘車程。落車後我o地先找地方買去泰國的火車飛，我們選擇了Pakse Travel & Air Service Co. Ltd.，服務幾好，負責人好helpful，但因為火車飛賣晒，我o地唯有揀巴士，這程長途巴又是想像不到的精采! remark： 其實上網都可以買火車票，可參考以下網址：http://www.thairailwayticket.com/Default.aspx?language=1 只要按步驟就可以買ｔｉｃｋｅｔ，本來我地都想買，但我地去17日咁耐，怕途中有阻礙，就諗住去到當地先買。 同時可參考以下網址：http://www.seat61.com/Thailand.htm#How%20quickly%20do%20trains%20get%20fully%20booked，入面有火車內部相片。 然後再到銀行唱錢 唱錢時，記住即時check下d錢有無破損，我地發現有幾張爛，職員都肯換俾我地，非常nice!! 本身打算到南邊的bus terminal 撘雙條車去碼頭再轉船去4000 Island，但發覺價錢同租車差唔多，就包車上路。我地幫襯上圖間shop。 位位$45,000kip. 雖然Pakse係南部最大城市，但人煙稀少，屋村樓下都多人過佢，寧靜係Laos既代名詞，正! 相反，嘈嘈嘈最好形容我地４個，kit仲為雪改左個法號：勁嘈大師！ 沿途3人都訓覺養神，我就驚佢車我o地去唔知邊到，就打醒12分精神，沿途景色係田，田，田同埋田，仲有牛，牛，牛同埋牛。 事實上又係我小人之心，Laos人不知幾純樸，樣樣講個信字。 如果撘雙條車預計要3hrs，但包車就1.5hrs就到碼頭. $15,000kip坐VIP船仔去4000 Island中最大的島Don Khong. VIP船仔係指有船頂同橫木坐位既，所有旅客都係坐VIP, Laos人自己先會坐普通版。 上圖個船家在開船前不忘sell佢既Local tour，可惜太貴，我地４個窮鬼join唔起! 不過佢一d都唔介意，又笑笑口咁，真係好nice呀! 坐船仔好舒服，吹吹風，寧寧靜靜，15分鐘就到Don Khong. 一上岸. 嘩,好靜呀! 最嘈係我o地4個. Haha 一落船已經覺得無揀錯o黎Laos 4000Island，真係好舒服，一切煩惱都暫時擺埋一邊，悠悠閒閒的生活。 行o左一陣睇過幾間guesthouse，揀o左Mali guesthouse，平，靚，正。 點擊圖片放大 唯一唔好係負責人完全唔識英文，無法溝通。但影響不大，因為其他guesthouse既人都好helpful，有咩都可以問佢o地。 安頓好後開始落雨刮風。 我o地就係露台望住媚公河繼續放空，聽歌加放空，正! 悠悠閒閒地在Laos過第一天，我已經完全愛上這個地方. I love Laos !!!!!!!!!
