第12日晚上 休息過後，便出發找吃晚餐的地方及報名參加明天的1 day tour. 這裡的tour agency都係一條龍服務，除經營tour，還有hostel及餐廳。 在格價過程中，發現了兩間agency的老闆精通普通話，身為中國人的我真是自愧不如。最後報了精通普通話的lily所經營的agency。一向怕麻煩的我們亦在這裡吃晚飯，lily的廚藝很不錯，她的湯飯非常好吃，她直情係入得廚房，出得廳堂既好例子，因為佢都幾靚女，仲同章子怡有幾分相似。 晚飯後的重點節目是上網睇isabella同李澤楷產子的震撼消息。 初初收到sms話isabella同李澤楷生仔既消息，以為係講笑，但一check之下真係非常驚訝。估唔到，遠在老撾的我們仍然係咁八，真係本性難移。 第2日 今日天氣好好! yeah! 點擊圖片放大 一早起身，到lily那裡吃過早餐，就等船出發到Don Dhet & Don Khon，正式開始今天的1 day tour。 轉了一次船後，我們便到達Don Khon，轉船間又是完全唔知發生咩事，總知就跟住船家指示行，去到碼頭又是但上左隻船就到，聽上去好似好危險，但其實人地都無諗住呃我地，所以都係唔好小人之心。 到達Don Khon後，行了大約30分鐘就到達Li Phi Waterfalls，這是比較小型的瀑布，但我無咩見過瀑布，所以都覺得好壯觀。(如果識踩單車，上島後不妨租單車踩) 點擊圖片放大 Li Phi Waterfalls唔係高低落差大個種瀑布，是大面積高流量的那種，但6月是雨水較多的季節，所以水中混雜大量泥土，因此瀑布呈泥黃色的，如果非雨季時應該比較漂亮。 之後我們折返，去看看當時法國佔領老撾時興建的火車遺址。現在只淨下一小架車殼，當年在差不多完工時，法國便打輸了，所以火車便遺下在這裡。 去完Li Phi Waterfalls同火車遺址，我們已經非常肚餓，所以就是但揀間餐廳食午飯，餐廳位完連接Don Khon與Don Dhet的大橋旁。 如果沒有買票進入瀑布而又想過橋便要額外收費，即係搶錢! Don Dhet是四千島中最少的島，但有很多茅屋式的hostel,好有本土風味，下次再回來，我一定會體驗一下! 而Don Dhet & Don Khon晚上係無電供應，所以如果講求舒適的Backpacker就不太適合。 食完飯，叉足電，便再上路。我們再撘船到Khong Phapheng，這是比Li Phi更大的瀑布。 Khong Phapheng真是超巨型的瀑布，相片完全不能影到它的雄偉同澎湃。它與Li Phi一樣，都是高流量那種瀑布，但它比Li Phi面積更大，流量亦更多，所以真的很震撼。 睇完Khong Phapheng都係時候回程，今次唔洗撘船，撘車就可以返回Hostel，不過我鍾意撘船多D,舒服好多呢! 待續(下篇有全個旅程最漂亮的日落，Don't miss it!)
