完成了1 day tour,回到hostel休息一會。我們四人各自精采,我同Suki同島上的小孩玩。 這些小孩都很單純，一粒糖已抖得他們很開心，他們真的非常可愛。 (其餘2個旅伴其實心諗: 係未咁鍾意細路ar, 扮有愛心 hahahaha) 係我獨自四圍閒遊時，隔離hostel的老闆(他說得一口流利的普通話)很好人地車我們到島上的另一邊睇日落。 < 好人老闆! 呢次既日落係最靚既，比我地係吳歌個時睇既仲靚 點擊圖片放大 我地睇日落個時，hostel老闆就去買野。其實老闆好似無講過會接走我地，所以我地既黑暗面又走出黎喇，驚佢放低左我地就走人，要我地自己行返去。如果係咁就大件事，睇日落既碼頭離我地hostel有成十幾廿分鐘車程，如果要行返去，真係比係金邊被偷錢後轉hostel個次仲厲害。 最終當然又係我地小人之心啦，等左陣老闆架車就出現喇，呢個surprise sunset又為我地既旅程錦上添花! 睇完日落，當然又係dinner time，我地去左老闆間hostel食dinner，答謝他的一番好意。當晚老闆好肯定話今晚唔會落雨，會睇到星星。不過食完飯，就開始多雲，最終都睇唔到漫天星斗的美景，有點可惜。 今晚係最後一晚係Laos，所以一定要試下有名的Laos beer，我地去Lily到外賣春卷同Laos beer返hostel慢慢嘆，好好享受這一夜。 (下一節將會公開Laos章子怡-Lily的盧山真面目!! )
