由西藏回到香港後, 對西藏仍是念念不忘。惟有記下旅程點滴, 當作舊地重遊。 聖湖-----納木措 回港後, 才知道我們出發前, 拉薩八廓街附近曾發生自焚事件............................................... 怪不得我們到埗第一日便波折重重.....又為何八廓街保安嚴密。 -------------------------------------------------------------------------------------------------- 旅遊日期:2012年6月8日至17日旅費 :HKD10,000以下人數: 4人 (4個係一個好好o既組合, 包車固然方便, 同伴高反時, 亦可互相照應....幸好我地無同時"陣亡"~哈哈) 香港>上海>西安>拉薩 無乜假期o既我地, 實在唔能夠花3日由廣州坐西藏鐵路去拉薩.惟有坐我最憎o既"東方航空", 由香港>上海>西安>拉薩......轉機轉到頭暈咁飛去西藏! 6月8日(第一日) : 大家都返工返到last minute,才趕去機場坐夜機去上海.............. 去到上海都11:00pm.....第二朝8:00am再撘飛機去拉薩本身諗住好型咁留守機場, 但最後都有book "上海航空酒店"睡返幾個鐘, 休息下.一來老, 虧虧地.....想睡好d二來怕休息唔夠, 去到拉薩有高反.....我地好量力而為~haha 6月9日(第二日):第二日, check-in先知我地唔係上海直飛拉薩, 而係要在西安轉另一架機.......我地買機票時都無話要停......這就是我憎"東方航空"的其中一個原因......乜都唔預先講. ...之前去麗江的經驗亦很差, 有機會再講.但因為滿心期待踏足西藏, 心情沒有受影響. 大約3:00pm終於到埗.天氣很好!! yeah! 繼續港人的急速步伐......拎完行李, 諗住坐車出市區一出去, 見到架大巴..........我地無諗過上, 因為出發前,其實無乜做research, 唔知架大巴係乜東東.但之後先知原來係正野! 只需RMB25@, 就可以去到市區, 布達拉宮落車. 走寶o既我地, 就上"賊車"了唔知點解..........半推半就.....唔講價....肯用RMB300坐的士....諗返我同雪去柬埔寨, 連USD2的Tuktuk都唔肯坐時, 我真係唔知點解我地去到西藏會咁闊綽.只能怪天氣. 太陽猛烈得.......前所未遇過. 只想急急離開.之後問返當地人, 原來坐的士 市區<<>>機場, 最貴都唔洗RMB200. 哈哈. 只能說水魚不敵太陽. 出發前往"扎西曲塔酒店"的途中, 我們睡的睡, 呆的呆.點都估唔到. 去到酒店門口....會見到將NOTICE寫住 :"停止營業" 個一刻大家好冷靜, 問下附近D小販, 話酒店已停業左好耐.有點無奈, 個刻只係想休息, 因為有D辛苦.....唔熟路+身體虛弱, 都唔知點搵酒店.諗住打去AGODA問下咩事時.有個好型的藏男(重點係型) 走出黎, 話佢自己係酒店經理.幫我地拎晒D行李入酒店,又請我地入去坐下. 當以為曙光出現時, 經理就講多次宜家酒店唔營業, 連附近既酒店都停業了, 叫我聯絡AGODA搞退款.......同時,阿雪唔舒服到要訓低.......我未見過佢咁辛苦.......... 經理見我地咁.......佢建議我地打去唔知咩咩咩領導到問下, 睇下我地可唔可以留 O係個到住一晚.打去問.....當然答案係唔得啦..........經理見我地死死下, 就好好人帶我地去佢朋友開O既酒店(仍可運作),睇下有冇吉房. 間酒店真係轉個彎就到, 沒有"被關門"雖然貴好多. RMB600多元一晚(二人). 但個刻都要用錢解決問題了. 雖然同"扎西曲塔酒店"無緣, 但我地最無助時, 酒店上下都對我地好好, 又俾暖水我地飲, 又俾枕頭阿雪休息, 又同我地搵酒店, 搬行李.佢地無必要咁做. 真係好NICE! 去到新酒店安頓好後, 大家都休息.........因為大家都有不同程度的高山反應. 最後的安身之所--------香巴拉府 House of Shambhala (充滿藏族特色, 房間很整潔+有FREE-wifi) 點擊圖片放大 +2 攝於酒店天台, 7:00PM 天空還是一片藍. 拉薩日日都9PM先日落, 時間好好用.
