到埗當晚 , 雪同威公都訓到死豬咁.....我就斷斷續續醒下訓下, 醒時, 就唔知點解好想出房走走, 又走上天台,又走去前台問拎wifi password.自己的身體狀況比想像中好, 高山反應不太強烈. 睇酒店d 免費刊物, 原來曾經去過高原, 會較易適應拉薩o既高原環境. 原來之前去麗江都有d幫助 不過本野又話, 精神亢奮 係高山反應o既一種, 唔知係未因為咁, 搞到我唔係好眼訓, 仲想周圍走溫馨提示酒店員工叫我地第一晚唔好沖涼, 我地都照做, 淨係抹身不過拉薩天氣十分乾燥, 唔沖涼都無問題 乾燥可體現於以下情況:1. 搽防曬完全唔會有"油淋淋"的感覺, 用後清爽 2. 搽保濕, 吸收得勁快. 3. 唔會出面油, 一定唔會生暗瘡 4. 乾到鼻孔都損晒, 出血絲 但我地竟然無帶京都念慈菴.... ------------------------------------------------------------------------------------------------ 第二朝 雪返生, 完全無事了 但威公情況麻麻地. 呆滯. 哈 食個酒店早餐先 食早餐好重要, 因為頭幾日, 起身都有D頭痛, 但食完早餐又會無事, 精神晒. 我幾鍾意依杯甜茶, 飲完暖暖的. 味道有D似奶茶, 但多左D香料味. 食完早餐, 就挑戰沖涼. >> 無事! YEAH! 不過因為我地琴日Walk-in入住, 而且酒店得10間房到. 所以我地朝朝都要執行李, 搬去另一間無人訂o既房. 過著遊牧民族的生活.煩就煩d, 但有瓦遮頭已好好. 搬好房後, 我同雪諗住出去探下路, 望下拉薩究竟係點.威公繼續留在酒店休息. 同埋等我地另一個同伴dickens的來臨. ------------------------------------------------- yeah, 天氣好好, 心情亦好好地出發, 不過當然要放慢腳步 拉薩繼續以藍天與白雲, 歡迎我地 :) 在酒店附近行下, 其實酒店好近八廓街+大昭寺開始感受到市內 "被河蟹" "的感覺.周圍都有好多民警、公安站崗,以及武警巡邏.完全見唔到有喇嘛在街上走, 究竟係喇嘛好少出街, 定係唔可以出街? 對於我地第1次O黎西藏O既人, 真係唔會知道答案. 同雪行行下, 見到前面有安檢, 唔知過左去會去左邊, 又唔知會唔會惹麻煩.自從琴日遇到酒店"被關門"事故後, 我地都知道凡事要小心d.最終我地都折返, 決定去布達拉宮睇下. 我地坐依d三輪車出發, RMB10, 其實RMB8應該都得.都唔平. 我地之後4個人同行時, 覺得坐的士抵D. 不過坐三輪車又有另一番風味, 好似同拉薩親近D. 落車點同布達拉宮有段距離. 但司機話宜家唔可以在正門落車.咁我地慢慢行過去啦. 入布達拉宮需要進行安檢包括Check bag, 見佢地沒收左好多打火機. 有時拎左水, 都要即場飲俾佢地睇. 我地諗住睇下邊到買預約票. 之後就唔洗周圍搵但發現白塔(買預約票的地方)原來在遠處..........都係唔行, 好鬼曬又肚餓. 決定醫肚. 依餐都唔平, 2個人要RMB60拉薩物價都幾高. 間餐廳D 3餸飯都要RMB25.但都多當地人食. 之後,我地去左附近o既旅行社格價, 睇下包車費用.個職員叫陳婷, 佢好有耐性同我地介紹d景點, 包括納木措、日喀則、林芝等等佢講到林芝線好正, 但我地又唔夠時間去.納木措係我地好想去o既地方, 但當我地同佢講,有個同伴"快死"時, 佢又唔建議我地去. 擔心我地會辛苦.聽左佢建議後, 我地決定返去商量下再決定. 諗住再問下人意見, 所以就去香港人必去的地方>>> 風轉咖啡館"風轉咖啡館"係由一個香港人薯伯伯同泰國人開o既cafe薯伯伯仲寫左本書叫《風轉西藏——我在拉薩賣咖啡》, 都幾好睇架. 可惜去到o既時候, 先知薯伯伯返左香港緣慳一面, 但見到佢在專欄寫o既貓女同佢d bb. 好得意. 飲完野, 逗留左一陣就走,諗住返酒店睇下"就死"o既威公.但行行下迷路了.............去左個多野買o既地方 ....哈哈 就係八廓街啦. 集合好多買手信o既攤檔不過又係要過安檢.........難敵shopping的引誘. 雖然間間都差唔多, 但又好想睇. 所以....唔理威公住啦, 佢應該無o野o既. 最後都唔知行左幾耐, 一路行,一路搵路. 最終都返到酒店.dickens亦都o黎左啦, 威公仲未死得.咁我地就去食晚飯, 威公飲完杯酥油茶後, 好似充滿力量, 變返個正常人. 神奇的酥油茶呀! 但真係好難入口.
