來到第5天, 可說是旅程的開始. 之前幾日都係用來適應環境.不過這個安排也不錯, 一來身體會好d, 二來亦放低工作的煩瑣, 身心都準備好迎接西藏的一事一物. 一朝早, 我們搬家了. 好開心能夠誤打誤撞入住香巴拉府.臨別時, 負責人送我們白色卡達, 祝願我們一路平安. 沒有禮物比祝福更好, 也祝福西藏, 西藏人一切安好. 能好好守護仍擁有的東西, 甚至取回應有的東西. 題外話, 在71遊行時, 看見有人爭取西藏獨立. 有人說今日西藏, 明日香港......也許他們曾在西藏感受到壓迫的氛圍, 體會過藏人的友善. 西藏明明是藏人的家...為何只感受到他們被壓迫,被剝奪? 希望只是我看得不通透, 看得太少.....今日西藏, 明日香港......希望不會一語成讖. ----------------------------- 離開香巴拉府, 向西藏莊園出發.來到門口, 環境比想像中好. 房間亦很企理. 最重要有電視(香巴拉府無tv架)....睇到唔捨得睡覺 西藏莊園 http://www.tripadvisor.com.tw/Hotel_Review-g294223-d1797863-Reviews-Tibet_Villa-Lhasa_Tibet.html 香巴拉府 http://www.agoda.com.hk/asia/china/lhasa/house_of_shambhala_tibet.html------------------------------------------------------------------------------ 在酒店小休一會後, 我地向布達拉宮出發.雖然唔可以帶水進入布達拉宮, 但入口前有免費水機, 我地都飲左d水先入去. 我地要沿住這條Z路行上售票處.....見到都有D驚....聽說有900級呢......香港就話輕鬆姐....但依到係西藏..... 我地o既預約票係1:00pm. 我地大約12:00nn去到. D職員唔俾我地入去住, 叫我地去D展館參觀下先, 12:30nn先返去.個展館都幾好睇, 行完時間剛剛好. 起步啦. 烈日當空. 來西藏一定要帶帽! 大家都好努力. 完成Z路, 影下相, 行下, 其實唔辛苦. 睇o黎我地之前幾日hea下hea下咁玩, 真係有d用 行完Z路先會見到售票處, 依個安排都幾好. 萬一身體頂唔住, 完成唔到Z路, 都唔會蝕錢呀!憑預約票及證件, 可換到門票. 承惠RMB200. 附有明信片一張. 依到就係入口啦, 入左去就唔可以影相了. 入口附近有水買, 都唔係太貴. 入面D樓梯好斜, 行一陣都有D喘氣. 量力而為啦, 行下抖下.內裡的佛像, 擺設都好宏偉. 值得一看. 可惜是人太多以及沒有放空的地方.自己都許左幾個願, 包括同事的集體願望....哈哈....不過應該唔係好WORK....大家工作上仍有很多阻力+不如意的事還是隨遇而安, 學習心無罣礙更實際. --------------------------------------- 在布達拉宮看拉薩市 群山懷抱 挑戰布達拉宮後, 心情何其興奮. 與雪不停唱歌. 在無香港人的環境下唱廣東歌, 是瘋, 也是樂. ------------------------------------------------------- 食個簡單LUNCH後, 就去布達拉宮廣場, 用另一個角度看看布達拉宮. 當時我地在布達拉宮o既patpat, 於是坐三輪車去布達拉宮廣場.三輪車師傅起初話要$15, 最後我地叫價到$10....但當我同雪上車後, 覺得車程真係好遠, 師傅咁樣踩單車搵錢都唔容易呀.所以我地落車時俾左$15.... 我地咁o既行為, 最後被威公話我地婦人之仁.......雖然佢地有佢地的道理. 但我覺得我同雪都無錯.........我地無錯 我地無錯 我地無錯 我地無錯個blog係我o既. 我講乜都啱 哈哈哈. 布達拉宮廣場 無遮無擋.....到此一遊, 影張合照, 便走了. 返酒店休息....貫徹我地hea遊作風! ---------------------------------------------------- 近黃昏, 又走去八廓街行街......唔知點解行咁多次都唔厭. 大昭寺外 大昭寺外 攝影愛好者的鏡頭好似好勁. 一zoom, 一focus, 一按, 美景盡收鏡頭下.但也不及後面的武警厲害, 同樣 一focus, 一按, 人們便收皮了.......... -------------------------- 明天展開日喀則2日遊. 此行的驚喜所在.
