第7日,朝早在酒店食早餐buffet. 由於酒店可以接待外國人同港澳人士所以在這裡終於聽到廣東話, 其實出外最怕聽到其他人講廣東話, 好似返左香港咁. 其實威公都係此行其中一個亮點.識左咁耐, 第一次去旅行, 先見識到佢”BB”既一面. 哈哈哈病左, 又要唔肯食野…食早餐時,仲要打爛酒店隻匙羹….不過臨走時逃唔出人地法眼….賠左幾蚊RMB. -------------------- 食完野, 離開日喀則返拉薩沿途會順路遊覽羊卓雍措及卡若拉冰川. 到達江孜縣時, 討厭的包車大叔叫我地落車遊覽. 一落車見到山上的白居寺時,4個人都好驚......哈哈.....或者我地真係虧. 但在>3,000米以上行山....真係可免則免. 淆底的我們走返去問大叔洗唔洗上去....佢話拍拍照姐.即刻鬆一口氣.....安樂晒. 白居寺, 有緣再與你近距離接觸. 到此一遊後, 大叔繼續開車, 煲煙. 完全唔理我地. 又唔講去緊邊.只知道愈去愈遠. 沿途都無乜車.不過風景愈來愈特別. 令人很期待即將會去o既景點. 雖然大叔冷漠兼黑面, 但到影相位都會停車o既.......... 滿拉水庫, 位於海拔4352米的斯米拉山 這裡也是到此一遊. 只有我們4個遊客, 再加上幾個叫賣的小朋友. 顯得有點荒涼. 杳無人煙, 卻掛滿祝福. 見到路牌, 知道去緊卡若拉冰川. 看似無盡頭的大直路, 沿路都是高山平原.很壯觀! 老土地說, 人真係好渺小. 終於見到卡若拉冰川第一次見到冰川. 遠距離觀看已覺得很美! 點擊圖片放大 +2 欣賞美景 要付出代價, 就係好凍.包車大叔出發前, 話帶多件衫就得. 點知落車已覺得好凍.如果夠衫著, 應該可以頂多陣, 望耐D, 影多幾張相. 上返車之後, 又兜左一陣. 轉個彎, 突然見到冰川出現眼前, 好近好近.好似觸手可及. 冰川的冰舌 不過好可惜, 真係太高, 5000幾米, 同埋太凍.唔能夠留太耐. 人生第一個冰川. 我會記住那份震撼的感覺. (待續)
