納木措是西藏其中一個聖湖. 湖面海拔4,718米. 未出發之前, 對西藏的認知有限, 腦海只會浮現布達拉宮、大昭寺、小昭寺、高山反應........做多少少research後, 便發現"納木措"這3個字. 再搜尋一下圖片. 印象便揮之不去, 決定非去不可. 還希望可以在納木措留一晚, 欣賞人人讚嘆的日落日出. 好可惜當日的豪情壯志....隨著抵埗後煙消雲散. 哈拉薩的3,650米已經試到我地的底線, 做人真係無謂太搏. 多1,000米, 唔易適應. 不過真係好想好想去喎! 咁退而求其次, 一日遊算唔過夜,留一陣, 應該應付得來. 所以第8日行程, 我地向期待而久的納木措進發!!!!!!!!!!! --------------------------------------------------------------- 納木措位於拉薩的西北面.由拉薩去納木措, 車程約4小時. 今日又係包車出發, 又係個個包車大叔.......... 經過之前的教訓後, 我地帶多左衫去. 話咁快就到...... 抵達納木措前, 會經過海拔5,190米的那根拉山口.人人都會下車, 拍照留念.我地都唔例外, 但一落就好想上返車.因為好好好好大風, 同好凍.影完到此一遊後, 就急急腳上返車. 那根拉山口 到此一遊. 去到納木措, 首先醫醫肚. 一坐低. 已覺得有d 呆滯. 比拉薩高1,000米真係唔同d. 又要適應過.食飽感覺好d. 開始行程. 由停車處行去湖邊, 有一大段路......可以騎馬/徒步.我地選擇後者....但當然行得好慢. 倒影很美. 湖邊有很多牛, 任君選擇. 雖然隻牛唔洗俾人食, 但俾人影, 也好像不好受.不過我地又何嘗唔係返工返到隻牛咁................可憐隻牛, 也許只是自憐. 連綿不斷的雪山, 天氣好應該更美. 在湖邊坐坐. 寫意呢. 一望無際, 好似坐在海邊咁. 起浪的湖. 點解會有浪??? 點擊圖片放大 再見啦! 納木措. 有朋友說, 這張照片令佢覺得像海市蜃樓..太美的景色, 有時真係會覺得似幻象.不過高山反應令我知道一切都是真實. 逗留左2個多小時, 便離開.好彩無留一晚, 唔係我死定.......一上到車, 我就暈住咁訓左.......前幾日就算有高山反應都無咁強烈, 那種累極想睡的感覺, 係無法用意志抵擋.唔知自己訓左幾耐, 但雪話我訓得好樣衰, 哈哈.個刻失去知覺, 點顧儀態呢. 不過訓醒就乜事都無, 很精神! 返到拉薩在酒店hea下.準備明天離開西藏返香港lu......唔捨得.
