第9日,西藏行程已踏入尾聲.下午3:30飛去上海. 唔想咁快返香港, 希望下年有機會回來! 走一走林芝線. 走時決定坐的士去機場,但的士唔夠放晒我地4個人D行李.個司機竟然將我地其中一件行李, 放去另一架同樣去機場 o既的士到.....依個世界真係乜都得....不過, 最後同我地分道揚鑣o既行李, 都順利去到機場. 撘東航機, 去到上海, 先知行李未到.衫褲、眼鏡....好多日用品都在行李內.但我地本身要上海留一晚, 第二朝先返香港......好唔方便呀! 最後返到香港, 但D行李都未到.過左幾日,D行李終於返到香港但Jardine打黎話我地要自己返去機場拎.東航真係好過份, 當初又話會SEND返去我地屋企.經過一輪交涉後, Jardine幫我地搞掂左. 行李終於返到屋企! YEAH!都要多謝Jardine員工的幫忙及跟進. 東航.....真係一間令人討厭的航空公司!!!! ----------------------------------------------------------- 遊西藏小貼士:1. 紅景天: 我地4個都無食, 不過都無出現嚴重及持續的高山反應. 食唔食取決於個人需要. 我覺得保持輕鬆心情, 唔好在意海拔高度, 再加上慢活. 好快就會適應西藏的環境.我地都帶左D寶礦力水特粉沖水飲, 唔知有冇抗高反作用, 但飲下無壞. 如果真係唔舒服, 飲D熱野都有幫助. 2. 三餐:其實西藏物價都唔低, 所以我地都會食下杯麵, 同埋去D食四川菜既平民餐館食飯, 依D餐館價錢相宜, 味道都不錯! 3. 天氣:我地6月初去, 天氣是非常好! 係朝早會比較涼. 其他時間可以著短袖+薄外套. 薄外套主要都係防曬用途.不過有時行到熱, 入到室內都唔好即刻除外套. 否則易著涼. 病左就煩.