財政預算剛出爐,又退稅又加免稅額,個荷包立刻闊左,即刻想食d好野,行過CWB永光中心,見地下水牌這間餐廳竟然做85折?立即衝上去再食豪d。 這間餐廳裝修ok,一般居酒屋式格局,鐵板位不多,今天老婆皮膚唔好,都係避下油煙 , 餐牌有多款鐵板套餐,但今天想乜都食d,都係散叫好, 點擊圖片放大 居酒屋當然有多款酒類供應,但今天只得我想飲,唯有下次再drink , 點擊圖片放大 HK$38 食鐵板唔飲多都少少,啤酒頂下癮, 巨峰乳酸soda HK$38 老婆今日唔飲得,叫杯巨峰梳打,痴啖就一定啦,巨峰味足亦不太甜,good 。 刺身拼盤 HK$320 熱氣野未到,叫個刺身拼盤,新鮮,質量不錯,比美高級魚生店, 刺身拼盤 HK$320 三文魚相當肥美,不似一般只專注酒的地方,食物質素相當不錯。 軟殼蟹溫泉蛋沙律 HK$98 軟殼蟹沙律夠份量,軟殼蟹足有一隻,而且配上新鮮蔬菜加溫泉蛋,絕不油膩,正。 煙豬肝 HK$68 煙豬肝好像是沖繩菜,夠煙燻味,食落唔會乾口,加埋芥子醬,香味夠不嗆口,送酒一流 , 帶子鵝肝卷 HK$88 帶子鵝肝卷的帶子夠新鮮,甜滑,鵝肝味突出但又蓋不了帶子的甜,炸薯絲亦不搶味,平衡一流 , 鐵板銀鱈魚 HK$148 主角來了,鐵板銀鱈魚做得恰到好處,外皮焦脆,內裡嫩滑,一咬魚油在囗中散發, 師傅手法真係一流, 鐵板大蝦 HK$98 大蝦夠新鮮,肉質爽甜,最值得嘉許是這兩道鐵板美食火喉控制一流而且調味恰當,不會過與不及,一流 。這兩道絕對考功夫。 燒蕃薯 HK$48 燒甜薯令我覺得似甜品多d,實在甜得正, 牛舌 HK$48 牛舌一樣做得外脆內嫩,鐵板美食每樣都可以食得出食材本身的味道。 黑豚軟骨烏冬 HK$78 最後再點多個烏冬,湯底是基本的昆布味,清甜不搶烏冬的爽滑,豬軟骨已煮得非常淋,軟骨已像肥膏一樣,一含即化,根本連咬到不用 , 紅荳抹茶雪糕 最後經理仲請左兩球雪糕我地食,估唔到雪糕都咁有質素,紅荳清甜,抹茶香而不苦連我老婆唔食抹茶都竟然食哂。 埋單誠惠1000,但食物質素遠超此價,CP超高,正