今日在CWB, 突然想食d辣野，諗起TXB的節目介紹過這間，而且這餐廳位於一級美食戰區的大廈，每次樓下都有大量人龍排住隊上樓，見今日人龍不太長就上去試下， 一上到去見到招牌設計幾型，黑底白光，好似去左disco,真係食店？ 內部裝修仲型，一d都唔似食中菜，唔似酒吧都似d高檔西餐feel，而且座得好舒服，好多卡位，距離夠，傾計都唔怕俾隔離聽到， 仲有一間VIP房，一班人都ok，唔係淨係食野，飲野吹水都可以， 餐牌圖文並茂，唔係好知d川菜名都可以看圖估下， 太多選擇，看到樣樣都想試，選擇困難症發作， 因為老婆不太食得辣所以每樣都叫小辣試下，除左自己碗麵， 冰雪鮮檸C飲 HK$35 叫左兩杯特飲試下，但來到嚇左跳，原來係 JAR ，雖然係細jar，但起碼有兩杯份量，三十幾蚊抵飲， 涷蜜語水果茶 HK$35 兩杯野都幾好飲，酸酸甜甜，飲落舒服開胃，不錯， ，飲啖野食物就到，出菜算快， 麻辣鮮掌(小辣) HK$68 麻辣鮮掌：8.5分，麻香足，充滿花生芝麻香氣，鮮掌爽，沒有雪味，亦入了辣味，少少麻少少辣多多香，正， 酸辣土豆絲(小辣) HK$68 酸辣土豆絲：9分，炒得剛好，入哂味，土豆絲沒有生，夠爽脆，酸味只是微微的，吊起味道，酸辣比例配合得perfect, 麻辣小麵(中辣) HK$35 麻辣小麵：9分，一d都唔少，份量好夠，飲啖湯，辣得順喉，不嗆口，惹味到令我一飲再飲，麵條彈牙充滿麵香，食著食著突然全身爆汗 ，但明明咁易入口，估不到後勁咁強，但一於少理，愈食愈過癮， 香辣田雞(小辣) HK$158 香辣田雞：8.5分，不要被它的賣相嚇到，因為要小辣，其實香多於辣， 而且份量亦足，起碼有三隻田雞(我估)，另外田雞走過油，外脆內嫩，連骨都有香辣味，正 ，乾鍋辣炒夠乾身，而且用新鮮花椒串去炒(通常用乾花椒粒)，香麻的味道另舍不同。 酸辣水晶粉(小辣) HK$38 酸辣水晶粉：8分，酸香足亦不嗆口，微微麻辣吊味，水晶粉彈牙滑溜，不錯。 新鮮花椒真係唔係度度有， 桂花冰粉 最後經理窩心地送了這個小甜品給我們解油解辣，桂花味不重，微微的，甜味又不太過，清清地完結這美味的Party。
