大概係2015年既9月份我就決定左去做隱適美箍牙 因為我個好朋友箍牙既醫生箍得佢好靚，雖然佢係箍粒粒個隻 但我覺得箍牙除左要箍得整齊之外, 仲要識調"角度" 牙齒矯型係真係可以幫到面型上外觀既改變, 情況依每個人唔同 當我見住我朋友箍左足足五年有多, 一拆箍真係好得! 佢D牙隻隻都平均大粒, 笑起上黎好整齊好靚, 面都變得尖左 再加上邱醫生個度有個i-smile專做隱適美箍牙既個案教學 所以我對邱醫生好有信心, 就諗都無諗過再搵其他做consult喇 咁就約左上去做consult, 要比$500, 決定做之後可扣除 會影X光相, 醫生會過黎檢查你排牙, 會問你想箍到有咩效果 佢會依照你牙的情況解釋你知有咩效果做到有咩做唔到 始終每個人的牙齒/口腔/牙骨都唔同, 要明白會有好多唔同變數 做到既效果對自己係靚既就可以了! 而初步了解商量後, 醫生就叫我一定要膜上排兩隻智慧齒 仲要有隻係痴住D神經線, 轉介左我去專科度做手術 佢話如果經濟許可就可以膜哂四隻, $4000一隻..... 因為我個Case係上排哨, 下排無咩問題, 只係牙齒有幾隻唔齊 咁我就只係揀膜上排兩隻就算, 同埋我D智慧齒係完部未生出黎 所以係要介開D牙肉咁膜, 所以要$4000咁貴>< 下圖就係我張X光喇, 可以見到我D牙就偏細粒, 短下巴同方面既特徵哈哈 呢度可以分期付款, 比左首期再之後就上去做3D Scan, 用黎比醫生排牙模,我總共有59套, 總價錢係$53000, $45000隱適美 + $8000 膜牙。 價錢其實每個人都好唔同, 但大概價位都係$30000-50000 (我之後介紹同事去, 佢個Case係$3X000) 介紹返我牙醫係邱易光醫生, 係佐敦道8號1樓 MyBlog: http://kithanc.blogspot.hk
