今次HK EXPRESS Delay左半個鐘, 所以九點半先到達仁川 我地兩個人去程, 只買左一個人頭20KG, 兩個行李, 一個吉既 上機前見到好多人都帶手提行李, 都有Staff提議可幫忙寄艙, 免費既! 出關後就唱少少錢出市區先, 係機場1:140 就唱左$500先。 之後揀左搭巴士出首爾站, 15000won一位, 由於第一次黎 以為呢個時間得返巴士出市區, 最後尾先知自己蠢豬左!! 其實係可以搭返地鐵既, 回程時搭車程大概都係1小時多少少到 同巴士相差唔遠, 個時落車點站唔近Hostel , 最後係首爾站再轉搭地鐵 到左鐘路3街站, 但唔知咩出口, 原來首爾D出口多到咁, 仲要每個都唔近伽 開Wifi Egg 搵下條路線點行, 懷疑今次個Wifi Egg問題, Google map唔work! 成個旅程就用GPRS搵路, 今次都係租返CrazyEgg, 早鳥優惠$15日... 上次係日本用就好好既, 不過今次唔多好, WIFI常常不給力, 又慢/_\ 咁就亂上左個出口再搵, 上到地面都有好多地道既街邊食市 放好行李個時都12點幾喇, 先去附近求其搵間餐廳食晚飯先。 由於無哂地鐵有巴士, 但怕唔識落車= = 所以就揀左步行去東大門...哈哈哈, 都要行成20分鐘伽唔係講笑 半夜既街道都幾多垃圾, 好多煙頭係地下, 好多人飲醉酒。(我既第一印象) 到左東大門批發陣營, 真係十級大, 唔係行開行熟新手如我的話 直情是眼花撩亂, 少D腳骨力都唔得呀!!!! 不過都另我大開眼戒 好多人好熱鬧, 大包大包的裝貨送貨寄貨, 好一個不夜城! 之後上網做左D功課, 就鎖定左行Migliore / doota / Designer Club / U:US。 Doota - 最少人行, 價位也不算特平, 和一般行商場的不大分別 Migliore - 有D似花園街女人街旺中的格局, 慢慢尋寶應該找到心頭好 Designer Club - 其實我沒有全部行哂, 只是晃晃就走, 感覺是潮既野會係度搵到 U:US - !!!!大大大力推薦行呢棟!!!! 因為大部分衫都是我杯茶, 走極簡線條剪裁 但這是做批發的, 要兩件起賣而且要同款同式, 加上沒同行女生, 只有我一個人 買不下太多啦, 每一家都好忙碌, 都不太好意思慢慢挑, 都是快快買。 目標想買上衣和大衣, 我自己又不太敢和商家問價, 一看我就是來零售的啊! 最後看中的是一間叫 Eyeful的店, 買了二款上衣共四件 = W110000 一件平均HKD200 不到, 雖然不是很平, 但以質料剪裁都是值得入手。 (在批發圈內都有不少會話簡單國語/英文的店員) 算是為有戰利品開心吧! 款一/ 白色/ 買了兩件 款二/ 墨綠 & 淺灰 / 各一色 這款是手袖位開叉 + 喇叭的 Cutting 回程都已經是4點喇...行唔郁喇.. 搭的士返去Hostel! 不過真係無咩男裝野行, 同行既佢都幾悶下, 陪我睇女人野, 辛苦哂!! PS/ 係東大門都搵到間係唱1:145, 以為唔抵! 最後好蠢咁唱左間1:143.. 數學白痴如我..以後記住愈高就係愈抵啦!! (明洞最低是1:146)
