幾個月前去左韓國瘋狂掃貨，睇左好多篇韓國必買之後買左好多黎試!~ 經過幾個月不停試護膚品同化妝品之後，精心挑選左7款心水產品推薦比大家 真係試過先推介架！❤ 1. Belief - The true cream Aqua bomb 呢隻係belief既皇牌保濕產品，喺韓國都幾出名~ 啫喱狀質地，清爽又容易吸收，上面感覺好light，唔會覺得黏膩，但保濕力又幾高，夜晚用第二朝都唔會覺得乾，亦都唔會出油，大推！ Belief近年都喺香港開左專櫃，不過韓國買抵好多，仲要有野送添！ 2. VDL - 貝殼提亮前乳(海洋) <--個名怪怪地haha VDL貝殼提亮前乳一向都受大家推崇，不過個人認為珠光果款(就是同一個名字但沒有海洋/Aqua跟著的) 太白同太反光 (如果你鐘意水光肌都可以一試~)，個人比較過之後就揀咗呢款限量版Primer Aqua，上面好水潤保濕，仲有少少提亮，望落多左光澤同透亮感！之後上妝呢，膚色均勻同貼面，所以都一直keep住用❤ 3. Espoir - Taping Cushion SPF33 PA++ 韓國牌子既粉底多不勝數，大家都應該有試過一兩隻，comment一係太濕太水光肌，一係就乾到飛起，同埋個人唔鐘意既係好多都勁白，好似戴左面具咁~ 所以先推介espoir呢款cushion，超方便，上面遮瑕得黎又唔會乾，光度啱啱好又唔會睇落太油~ 仲有得防曬添!~~ 4. Innisfree a. 控油礦物質散粉 b. My lipbalm c. 指甲貼 (香港仲未開售所以無官方名la~) a. 呢隻透明乾粉我已經用左十幾盒，長買長用！點解呢？因為佢定妝超正，無論用喺全面定眼都得，妝容持久力upupup!! 最好係佢透明無色，就算上多左都唔會成塊面白雪雪咁，亦唔會加深面上既乾紋~ 重點係就算香港買都係$54，性價比超高！❤ b. 至於my lipbalm呢，有十一種顏色既潤唇膏，都係比較自然水潤既色系，用耐左都唔會甩皮，顏色都幾持久，而且呢個設計補塗都好方便，大家不妨一試喔！ c. 第三樣係指甲貼，香港仲未有架～韓國有好多款，入面仲有好多後備甲貼，配左各大小既甲型，唔使擔心買左番黎唔啱用la~ 個人幾鐘意喺innisfree掃貨，因為本身價錢已經好平，仲要去韓國買有得退税，再加埋用海外信用卡有9折！唔係廣告黎，係真係好抵，我上次去韓國喺innisfree買得最多野haha 5. Mise en scene - 護髮油 無論你睇幾多篇韓國必買推薦，都一定有呢隻item! 就係護髮油喇❤ 我當然都有買黎一試，仲買左個限量qq版haha~ 一pump已經夠一次，我會手心推均之後喺髮中至髮尾用，用完之後頭髮會好柔滑，同埋有陣陣香味，心情都靚啲呀❤ 如有問題，歡迎提出喔！ Instagram: kirstenfcy 歡迎合作遨請 email: kirstenfong522@gmail.com
