23 SEPTEMBER 2015(WED) 今次有機會可以用到Karcher蒸氣清潔機,對我啲師奶仔嚟講又可以話大愛,因為對清潔屋企真係非常啱用呀~ 平日清潔屋企時,都一定會用上唔同種類嘅清潔劑。雖然係啲清潔劑係可以清洗得好乾淨,但始終都係有好多唔同嘅化學成份,對身體都唔係太好,尤其係我地一家都係敏感人仕(兩公婆鼻敏感/小小豬濕疹),所以其實都好怕用。無奈唔用又唔得,所以每次都帶住個口罩嚟做清潔。 當PR姐姐問我有冇興趣試用Karcher蒸氣清潔機時,我即刻上網睇下啲資料。原來蒸氣清潔機原理是把水加熱變成蒸汽,利用蒸汽嘅高溫,完全唔需要加任何清潔劑,就可以瞬間殺死細菌,殺菌率仲達99.9%。 哈哈哈...睇介紹就好吸引咁,當然即刻答應參加啦! 原來Karcher蒸氣清潔機用途都好廣泛哦~ 配件都有好幾個,主要都係因應需清潔地方嚟換噴頭~ 用法都好簡單,首先係加水處倒入250ML嘅清水,然後扭實,插上電後等約3分鐘,水滾後就會見到綠燈,可以開工啦~ 點擊圖片放大 首先就用依三件配件嚟清潔下梳化,因為基本上大部分時間都係坐梳化,一定要好乾淨嘛~ 雖然係高溫加熱,但使用時係需要同時按著按鈕先可以使用,都非常安全呀~ 邊用邊會噴出大量蒸氣,同一時間輕力擦下,咁就做到清潔同時殺菌啦~ 利用同一方法,我都有用嚟清潔洗手間玻璃呀~ 之後我換左另個直射噴咀嚟清潔廚房,成日都覺得水龍頭附近係好多菌,要消下毒先得呀~ 另外,我都有用嚟洗小小豬啲玩具(記得需用電嗰啲唔好用呀)。因為小小豬濕疹底,所以都唔致用太多消毒藥水,依家用蒸氣消下毒,感覺上安心啲嘛~ 最後就到我老公佢個人認為最好用嘅方法 - 拖地 首先利用附設嘅毛巾,夾起個地拖板上~ 然後就可以開始拖地啦~ 邊拖邊擦下地板,利用啲蒸氣殺菌同時,又可以順便洗埋地板。比起平日又用清毒藥水又過水又抺乾咁,少左好幾個步驟,真係好方便呀~ 哈哈哈...等我唔知醜咁俾個對比相大家睇下先。未用之前廚房地板都間唔中有啲漬呀~ 邊拖邊擦之下(都唔洗好大力),個漬就好易咁清左啦~ 其實Karcher蒸氣清潔機仲有好多用途,好似可以蒸氣消毒床褥、地毯、浴屏水垢...等等。仲有原來佢對清潔廚房嘅油積同污積都好得,不過我前星期先剛剛同廚房大掃除,所以今次就試唔到,等我下次用時再同大家分享啦! More Information : Website: https://www.kaercher.com.hk/ Facebook:https://www.facebook.com/karcherhongkong?__mref=message_bubble MY FACEBOOK~ MY INSTAGRAM~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※