26 JULY 2015(SUN) 今日我地又一家人約埋一齊返爸爸屋企食飯，見人齊所以又試煮個新菜式，可以齊齊幫我試下味嘛~ 材料都係好簡單，蜆一斤、檸檬一個、蒜頭一粒、芫茜少量及白酒200ml。由於屋企冇白酒，所以我就改用米酒，我估效果都應該係一樣呀~ 先將蜆放入約鹽於水中浸約30分鐘，以便吐沙~ 將檸檬榨成汁及刮少許檸檬皮備用~ 切碎芫茜~ 蒜頭切碎備用~ 先用蒜頭及碎芫茜尾段部分爆香開鑊~ 落蜆炒一分鐘~ 加入白酒，剛蓋蜆便可(大約200ML)~ 之後快手炒炒炒，煮至蜆開殼，然後加入芫茜前段部分~ 最後分別加入檸檬汁及檸檬皮~ 再拌勻之後就可以食啦~ 第一次用檸檬煮蜆，估唔到個味又真係幾夾，整體食落感都幾清新。另外，亦都可能啲檸檬帶起左啲蜆味，所以食落啲蜆肉都好鮮甜呀！ 哈哈哈...我依個新餸係合格嘅...YEAH！ MY FACEBOOK~ MY INSTAGRAM~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
