2 AUGUST 2015(SUN) 今日我地三口子應邀嚟到九龍城廣場，因為嚟參加「水‧舞」陶瓷工作坊，小小豬仲非常有幸可以跟陶藝大師羅漢華老師學整陶瓷呀~ 位於商場1樓嘅展覽位置，利用燈光及音效再加上由陶藝大師羅漢華老師親手整嘅水母陶瓷，打造成一個靚靚水世界呀~ 燦爛嘅色彩，再加上好多栩栩好生水母同一啲水裡生物，真係好靚呀~ 點擊圖片放大 +4 佢地兩父子都好專心咁睇呀~ 點擊圖片放大 好啦....終於等我地今日嚟嘅目的，就係去參加陶藝工作坊啦~ 依個活動主要係俾小朋友參加，只需要係商場內任何消費滿$200就可以參加。係工作坊上可以俾小朋友嘗試拉坯，又可以行用石頭、貝殼咁印花做陶瓷呀！ 係小小豬未開始之前，就等我試玩下啦，因為場內都有一個免費體驗區，大人小朋友都可以去試下拉坯，不過就唔可以將製成品帶返屋企啦~ 點擊圖片放大 哈哈哈...我嘅製成品，只係覺得如果老師可以等我自己多啲發揮，咁應該會仲好玩。算啦....都叫做感受過都OK啦~ 時間剛剛好，我整完就到小小豬啦。原本仲以為可以親子一番，不過最後就由老師全程同小小豬一齊做。小小豬原來係好怕嗰啲陶瓷泥"痴"手嗰個感覺，所以全程都不停話要洗手，真係激C呀~ 點擊圖片放大 +2 之後就到下半部分，教小朋友"猜"陶瓷泥整啲小動物，原來今日我地依一班有陶藝大師羅漢華老師親身教學。羅老師唔係成日都留守係度，所以我地都算好幸運呀~ 羅老師分別教左我地印貝殼，同埋整海脉同魚仔呀~ 點擊圖片放大 +3 依個就係老師同小小豬嘅成品，真係好大分別哦...哈哈哈~ 今日小小豬都整左五樣製成品，同個靚字就當然有好大距離，不過都總算係小小豬整呀~ More Information : 「水‧舞」Summer Jelly 日期: 2015年7月18日至2015年8月9曰 開放時間: 每日上午12 時至下午6 時 地點: 九龍城廣場 1/F 展覽區 陶藝工作坊 日期: 25/7‧26/7‧1/8‧2/8‧8/8‧9/8 時間: 2:30pm-3:30pm ; 4:00pm-5:00pm Website：http://www.kcp.hk/ Facebook：https://www.facebook.com/kowlooncityplaza.hk MY FACEBOOK~ MY INSTAGRAM~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
