21 JULY 2015(TUE) 小小豬放暑假，都總係要多啲同佢親子廚房，一嚟可以俾啲細藝佢，兩嚟又可以做好味飯後甜品，真係一舉兩得。 今日我地就整左個簡單得嚟又好好味嘅綠荼布甸呀~ 其實今次我只係用左一包非常簡單嘅綠荼布甸粉~ 一收見到個包裝袋，小小豬就不停研究佢係點整，但...其實整個包裝都係日文字，佢又點睇得明呀~ 哈哈哈....但又真係俾佢睇得明啲圖畫，仲同我講：MaMi，依度咪寫左倒包粉再加200ML水就得啦！ 咁之後嘅所有步驟就由小小豬負責，我就扮傻咁坐埋一邊等佢表演同幫佢準備用具。 首先將一整茶粉倒入大碗內~ 然後加入200ML熱水~ 慢慢攪...慢慢攪，攪到啲綠荼粉完全溶晒~ 之後就可以倒入杯，再放入雪櫃至凝固~ 原來只係有兩杯，不過都夠我地兩母子食啦~ 雪左大約兩個鐘之後，我地嘅飯後甜品有著落啦~ 一向小小豬都好少食綠茶類食品，但今次真係估唔到佢咁鐘意食，佢啲杯布甸真係超快手咁KO晒呀~ 但其實又唔止小小豬，就連我都覺得好好食，綠茶味好香濃之餘又好滑，最重要係冇嗰一陣苦澀味，真係食一杯都唔夠喉呀(當然亦都有另一個原因，因為係小小豬整俾我食，唔多唔少都甜多啲啲啦...哈哈哈！)~ 簡單易整又好味，仲要都唔算好貴(依包好似係$30)，所以搵日我要再去掃多幾包，再叫小小豬整俾我食先得！ MY FACEBOOK~ MY INSTAGRAM~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
