23 JULY 2015(THU) 小小豬期待左好耐，終於等到可以去入場睇冰上動感冰河世紀LIVE！香港站 – 長毛象大冒險音樂劇，今日我地三口子齊齊向博覽館出發，去睇SHOW啦~ 我地七點多就已經到場，嚟到就已經見到好多人齊齊等入場，氣氛好熱閙呀~ 原本以為仲有時間可以帶小小豬玩下攤位遊戲，點知排隊去洗手間都用左差唔多二十分鐘，所以都係快快入場等SHOW仲好啦~ 時間剛剛好，我地坐定定之後就開SHOW啦~ 其實整個SHOW係結合溜冰、跳舞、空中表演等元素同時亦配合故事發展，所以一眾表演者真係好利害呀~ 點擊圖片放大 +2 全場第一個驚喜位，就係長毛象BB蜜桃俾邪惡老鷹捉走左時，睇得好投入嘅小小豬好驚咁捉到我實一實，真係俾佢笑C~ 另外一個位我覺得好吸引就係，三位冰河世紀主角去救蜜桃BB時，遇到一大班狐狸小姐嘅溜冰表演，佢地真係跳得好齊，好有美感呀~ 之後當然係講三位主角點救返蜜桃BB啦~ 唔洗問當然係救到蜜桃BB，另一主角阿北都出場啦~ 但...係我內心有個問題？點解咁快完場？原來仲要講佢地點返屋企，所以就嚟個中場休息先啦！ 20分鐘嘅中場休息就打算帶小小豬去玩攤位遊戲，點知原來攤位已結關閉左，不過一班小朋友都唔會介意有冇獎品，所以我地就自助形式去玩一陣啦~ 點擊圖片放大 +4 之後下半場就開始啦，一班冰河世紀朋友仔要探險返屋企啦~ 另一個驚喜位就係當森仔俾啲花食左嘅時候，小小豬真係好驚張，仲問點解啲花要食森仔呀(依個時候又要我一輪解說了)~ 另一場我好鐘意嘅就係森仔同佢班粉絲一齊跳火神舞，整個舞台都充滿活力呀~ 尾段壞人當然又嚟攪攪陣~ 最終當然係HAPPY ENDING，所有冰河世紀朋友仔都可以返屋企，大團圓結局啦~ 依一刻我真係超級羨慕山下嘅朋友，因為可以同各冰河世紀朋友近臨離接觸，我真係好想同蜜桃BB集郵呀~ 不過唔緊要可以同森仔影都一樣咁開心，係影大合照時小小豬仲搵到個有利位置，佢係森仔旁邊，全程模住森仔呀....哈哈哈~ 最後又點少得森仔與豬仔呢~ More information : 「冰上動感 冰河世紀 LIVE! 香港站 長毛象大冒險」舞台音樂劇 地點：亞洲國際博覽館Arena 日期：2015年7月23－26日 門票：$680/ $500/ $380 （設有家庭套票，可以$2,400優惠價同時購買 4 張 $680 門票。） 售票地點：城市電腦售票網 演出時間：約120分鐘 Facebook：https://www.facebook.com/pages/Ice-Age-Live-HK/838398926233294 訂購網站 : http://ticket.urbtix.hk/internet/zh_TW/eventDetail/26240 官方網站 : http://www.iceagelivehk.com/ 預告片 : https://youtu.be/lFjEdaV55oM 製作特輯 : https://youtu.be/tcGI630-l-U 配音幕後花絮: https://youtu.be/6szHx-6Dz5M MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
