27 JUNE 2015(SAT) 依排喉嚨都唔係好舒服，我估都可能係我食得熱氣嘢多所至，所以今次就煲返杯羅漢果菊花茶俾自己飲啦~ 煲法真係可以係超級簡單，只係需要一粒羅漢果及約十蚊嘅杭菊就得啦~ 取羅漢果一個，將整個用硬物壓碎~ 菊花先用浸半個鐘後，瀝亁備用~ 在煲中注入二公升水，放下壓碎嘅羅漢果~ 水滾後，用中火煲三十分鐘~ 最後再加入菊花，要煲多約十五分鐘~ 熄火後再焗多十五分鐘~ 隔楂後就可以飲啦，我個人覺得雪凍飲仲好飲呀~ 其賓之前我都試過只係煲羅漢果茶俾老公飲，不過佢就話味道怪怪唔多願意飲。今次可能加左菊花關係，老公話味道又比較香啲，易入口好多呀，佢仲飲左我差唔多大半樽呀！ 羅漢果菊花茶似乎對身體滿有益處，除了聲音沙啞喉嚨不舒服外，對爆肝熬夜及潤喉、明目、養肝都好有幫助。 溫馨提示：藥材依方面都係好因應個人體質，所以記得煲之前了解下自己，或者問下相熟藥材店職員，依個藥方啱唔啱飲呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
