8 JULY 2015(WED) 感謝Ultraheroes Live Show Tour嘅邀請，可以優先試玩佢地係亞洲國際博覽館舉行嘅「ULTRA HEROES ACROBATTLE LIVE IN HONG KONG 2015」。見唔見到我呀...係個月亮前面嗰粒人仔就係我嚟呀~ 唔經唔覺原來超人由1966年初登場至今，已組接近50年歷史。為左慶祝依件此盛事，ULTRAMAN日本團隊連同香港嘅主辦機構係7月9 日至12日於亞洲國際博覽館舉辦「ULTRA HEROES ACROBATTLE LIVE IN HONG KONG 2015」~ 坦白講，我都唔算係超人FANS，不過知道場內除了有互動遊樂場、主題展覽同埋好多影相位之外，仲有真人舞台劇睇，所以貪玩的我當然要嚟玩下啦！ 其實原本我係勁想帶埋小小豬嚟一齊玩，不過由於小小豬仲未放暑假，加上老公又驚玩得夜第二日冇精神，所以只好我自已嚟玩啦！(都係啦....其實我玩嘅時候都真係好掛住小小豬呀) 由於今日係傳媒優先場，所以都幾多人呀~ 第一個主題展覽區就係展示左歷年超人同怪獸，其實....我只係識幾個呀~ 點擊圖片放大 +2 之後就到超人戲服展區~ 仲有一啲超人相關模型展出呀~ 點擊圖片放大 +4 嚟到我至愛嘅其中一個部分，就係四個大班超人打怪獸場景呀~ 點擊圖片放大 +2 點解我鐘意？咪就係可以行入場景入面，同超人一齊打怪獸呀~ 點擊圖片放大 +4 另一個影相點，當然係7米高的巨型超人七星俠兒子超人ZERO及黑暗超人貝利亞，真係好壯觀呀！我地仲可以從佈景版後上樓梯，企係兩位超人之間影相呀~ 場內仲有一個超巨型夾公仔機，只要將夾到啲波波，就可以因應波波內嘅指示，得到所屬禮物一份呀~ 另外仲有幾個唔同種類嘅模擬遊戲，可以打怪獸或者扮超人呀~ 點擊圖片放大 會場內仲有好多大班充氣設施，可以俾小朋友放電呀(見到依個位置，真係勁想小小豬係現場，佢一定勁開心呀)~ 點擊圖片放大 我另一至愛點又出現，因為有好多Q版公仔俾影相呀~ 雖然啲小超人同上次係銅鑼灣影嘅都好似差唔多，不過啲超人真係好可愛，我當然係不停影....影....影啦~ 點擊圖片放大 +5 哈哈哈...仲有即影即有相影添呀~ 由於今日係優先場，所以一班舞台劇演員出嚟同大家見下面~ 嚟到依個時候，我地就趕去HALL 10，因為要去睇LIVE SHOW呀~ 這個真人舞台劇係日本境外首度公演，故事以邪惡的超人貝利亞與超人家族對抗為故事中心，配合逼真的舞台場景和特效，加入全新嘅3D Projection Mapping 技術，令在場大小朋友都更能感受到ULTRA HEROES嘅正義力量~ 點擊圖片放大 +16 作為一個唔係忠實FANS嚟講，我都覺得整個SKOW係好吸引，真係睇到我唔覺唔覺咁快就一個鐘......完啦！ 睇見台上嘅超人好落力咁打怪獸，做出一連串高難度動作，真係唔可以唔拍多幾下掌聲嚟支持佢地呀！ 完場後，我仲去左集郵，同三個超人影相呀(貪心少少的我心諗：如果可以同埋十一個超人一齊影就好啦)~ More information : 日期：2015 年7 月9至12 日 (星期四至星期日) 時間：互動遊樂場及主題展覽：11am-7pm 真人LIVE SHOW：12nn-1pm；4pm-5pm；7pm- 8pm 地點：亞洲國際博覽館Hall 8、9、10 票價：互動遊樂場*+主題展覽入場門券：$80 互動遊樂場*+主題展覽入場門券+真人LIVE SHOW表演：$480、$380、$280 *互動遊樂場內的機動遊戲及攤位遊戲均需要遊戲券參加 (遊戲券優惠組合$150/5張) Facebook：https://www.facebook.com/ultraheroes2015?fref=ts MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
